თეთრი სახლის პრეს-სპიკერი - თუ 50 დღეში ცეცხლის შეწყვეტა ან სამშვიდობო შეთანხმება არ მოხდება, რუსეთის წინააღმდეგ დიდი ტარიფები და მეორადი სანქციები იქნება
18.07.2025 ნახვები: 334
თუ 50 დღეში ცეცხლის შეწყვეტა ან სამშვიდობო შეთანხმება არ იქნება, რუსეთის წინააღმდეგ ძალიან დიდი ტარიფები და მეორადი სანქციები იქნება გამოყენებული. ამის შესახებ თეთრი სახლის პრესსპიკერმა, კაროლინ ლევიტმა ბრიფინგზე განაცხადა.
“როგორც პრეზიდენტმა ცხადად თქვა, 50 დღეში თუ ცეცხლის შეწყვეტა ან სამშვიდობო შეთანხმება არ იქნება, თუ რუსეთი უარს იტყვის ცეცხლის შეწყვეტის სამართლებრივ შეთანხმებაზე, ძალიან დიდი ტარიფები და მეორადი სანქციები იქნება გამოყენებული. ასე რომ, ქვეყნები, რომლებიც ნავთობს ყიდულობენ რუსეთისგან, ასევე, დასანქცირდებიან და ეს, რა თქმა უნდა, დიდ ზიანს მიაყენებს რუსეთის ეკონომიკას”, - განაცხადა ლევიტმა.
