ლატვიის საგარეო საქმეთა მინისტრი - მივიღე გადაწყვეტილება, საქართველოს დამატებით 55 მოქალაქე ლატვიისთვის არასასურველი პირების სიაში შევიყვანო
14.07.2025 ნახვები: 404
ლატვია საქართველოს 55 მოქალაქეს ქვეყანაში შესვლას შეუზღუდავს. ამის შესახებ ცნობილი ხდება ლატვიის საგარეო საქმეთა მინისტრის, ბაიბა ბრაჟეს მიერ სოციალურ პლატფორმა X-ზე გამოქვეყნებული პოსტიდან.
"მივიღე გადაწყვეტილება, რომ იმიგრაციის კანონის 61-ე მუხლის მეორე ნაწილის შესაბამისად, საქართველოს დამატებით 55 მოქალაქე შევიყვანო ლატვიის რესპუბლიკისთვის არასასურველი პირების სიაში", - წერს ბაიბა ბრაჟე.
მისივე განმარტებით ამ პირებისთვის ქვეყანაში შესვლის აკრძალვა უვადოდ იმოქმედებს.
„ლატვიაში ამ ფიზიკური პირების [ქვეყანაში] შესვლის აკრძალვა განუსაზღვრელი ვადით დაწესდა”, - წერს ბაიბა ბრაჟე.
