Freedom House-ი მოუწოდებს საქართველოს ხელისუფლებას, პატივი სცეს პოლიტიკურ პლურალიზმს და წაახალისოს აქტიური სამოქალაქო სივრცე.
ორგანიზაცია გამოთქვამს ღრმა შეშფოთებას საქართველოს მთავრობის "მზარდად ანტიდემოკრატიული ქმედებების გაგრძელების" გამო.
"ჩვენ ღრმად შეშფოთებულები ვართ საქართველოს მთავრობის მზარდად ანტიდემოკრატიული ქმედებების გაგრძელებით, რაც მოიცავს პოლიტიკური ოპოზიციის ლიდერების დაპატიმრებას და სამოქალაქო საზოგადოების ჯგუფების მიზანმიმართულ დასჯას ქვეყნის ახლად მიღებული უცხოელი აგენტების შესახებ კანონის შესაბამისად. ეს ქმედებები საქართველოს კიდევ უფრო აშორებს ევროკავშირში ინტეგრაციისთვის აუცილებელი სტანდარტებისგან.
მოვუწოდებთ საქართველოს ხელისუფლებას, პატივი სცეს პოლიტიკურ პლურალიზმს და წაახალისოს აქტიური სამოქალაქო სივრცე - ნებისმიერი ძლიერი დემოკრატიის მნიშვნელოვანი მახასიათებელი", - აღნიშნულია განცხადებაში.
