ირაკლი კობახიძე - ვიზით ვიყავი წასული ერთ-ერთ ქვეყანაში
30.06.2025 ნახვები: 289
შეზღუდვები დიპლომატიურ პასპორტებთან მიმართებით მოქმედებს ევროკავშირის საერთო გადაწყვეტილებით, თუმცა ჩვენ ჩვეულებრივად ვიღებთ ვიზებს - ვიზით ვიყავი წასული ერთ-ერთ ქვეყანაში, რა თქმა უნდა, არანაირი პრობლემა არ არის,- ამის შესახებ საქართველოს პრემიერ-მინისტრმა, ირაკლი კობახიძემ განაცხადა.
მისივე შეფასებით, ევროკავშირის მხრიდან „აბსოლუტურად სამარცხვინო გადაწყვეტილებაა“ მიღებული საქართველოს ხელისუფლების წარმომადგენლების მიმართ დიპლომატიური პასპორტების გაუქმებასთან დაკავშირებით.
„როგორც მოგეხსნებათ, ეს შეზღუდვები დიპლომატიურ პასპორტებთან მიმართებით მოქმედებს ევროკავშირის საერთო გადაწყვეტილებით, თუმცა ჩვენ ჩვეულებრივად ვიღებთ ვიზებს. ვიზით ვიყავი წასული ერთ-ერთ ქვეყანაში. აქ რა თქმა უნდა, არანირი პრობლემა არ არის. ბუნებრივია, ეს არის აბსოლუტურად სამარცხვინო გადაწყვეტილება. ეს არის მათი გადაწყვეტილება, მათი უფლებაა და ჩვენ მზად ვართ ვიმოქმედოთ ამ გადაწყვეტილების შესაბამისად“,- განაცხადა კობახიძემ.
