ოლიციელი (თემურ მიშელაშვილი) ჩვენებაში ამბობს, რომ მან ძლიერი ტკივილი განიცადა, - ამის შესახებ პოლიციელზე თავდასხმის ფაქტზე ბრალდებული პოეტის, ზვიად რატიანის ადვოკატმა მარიამ პატარიძემ განაცხადა.
„პროკურატურის შეფასებით, ეს არის ის საფუძველი, რაც იძლევა პოლიციელზე თავდასხმის მუხლით კვალიფიკაციის შესაძლებლობას“, - აცხადებს ადვოკატი.
ამასთან, პატარიძე აცხადებს, რომ პროკურატურა რამდენიმე საფუძველზე ითხოვს პატიმრობის შეფარდებას.
„დღეს პროკურორმა პატიმრობის დასაბუთებულად წარმოგვიდგინა ის ფაქტობრივი გარემოება, რომ ზვიად რატიანს 19-ჯერ გადაუკეტავს გზა რუსთავზე. ეს იყო ერთ-ერთი მთავარი არგუმენტი, რის საფუძველზეც ითხოვდა პროკურატურა პატიმრობის გამოყენებას.
გარდა ამისა, ბრალდების მხარე უთითებდა, რომ რატიანი მოწმეებზე მოახდენდა გავლენას. ეს მოწმეები არიან პოლიციის თანამშრომლები, რომლებიც საგამოძიებო უწყებამ უკვე გამოკითხა.
მეორე საფრთხე, რომელსაც პროკურორი პატიმრობის დასაბუთებულად უთითებდა, არის ახალი დანაშაულის ჩადენის საფრთხე“, - განაცხადა მარიამ პატარიძემ.
ცნობისთვის, პოეტი ზვიად რატიანი პოლიციელზე თავდასხმის ბრალდებით 23 ივნისს დააკავეს.
ბრალდება საქართველოს სისხლის სამართლის კოდექსის 353-ე პრიმა მუხლის პირველი ნაწილით (პოლიციელზე თავდასხმა, პოლიციელის სამსახურებრივ საქმიანობასთან დაკავშირებით) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.
