სასამართლომ ლევან ხაბეიშვილი 4 000 ლარით დააჯარიმა და იარაღის ტარების უფლება ჩამოართვა
25.06.2025 ნახვები: 444
საქართველოს სახელმწიფო პოლიტიკური თანამდებობის პირის შეურაცხყოფის ფაქტზე „ერთიანობა ნაციონალური მოძრაობის“ ერთ-ერთი ლიდერი ლევან ხაბეიშვილი 4 000 ლარით დააჯარიმეს.
ასევე, მოსამართლემ პოლიტიკოსს იარაღის ტარების უფლებაც ჩამოართვა.
პროცესს არ დასწრებია არც ლევან ხაბეიშვილი.
პარტია „ნაციონალურ მოძრაობაში“ აცხადებენ, რომ ხაბეიშვილის წინააღმდეგ სარჩელი „ქართული ოცნების“ დეპუტატებმა - თეა წულუკიანმა და ნინო წილოსანმა შეიტანეს.
“წულუკიანს ენას ამოვგლეჯ!” - ამ ფრაზის გამო, თეა წულუკიანისა და ნინო წილოსანის საჩივრის საფუძველზე, ლევან ხაბეიშვილი 4000 ლარით დააჯარიმეს”, - აცხადებენ პარტიაში.
ცნობისთვის, პოლიტიკოსებსა და აქტივისტებს შს სამინისტრო ადმინისტრაციულ სამართალდარღვევათა კოდექსის 173-16 პრიმა მუხლის დარღვევას ედავება, რომელიც პოლიტიკური თანამდებობის პირის შეურაცხყოფას გულისხმობს. მუხლი სასჯელის სახედ 1500 ლარიდან - 4000 ლარამდე ჯარიმას, ან ადმინისტრაციული პატიმრობას 45 დღემდე ვადით ითვალისწინებს.
