სალომე ზურაბიშვილი - ტერორი საქართველოში: მედიას აღარ აქვს სასამართლო პროცესებზე დასწრების უფლება, არავის აქვს უფლება გადაიღოს ან ჩაწეროს
24.06.2025 ნახვები: 432
საქართველოს მეხუთე პრეზიდენტი, სალომე ზურაბიშვილი „საერთო სასამართლოების შესახებ" კანონში დაგეგმილ ცვლილებებს ეხმაურება.
„ტერორი საქართველოში: ამიერიდან მედიას არ აქვს სასამართლო პროცესებზე დასწრების უფლება, ასევე აკრძალულია სასამართლოს შენობის გარეთ ყოფნა. არავის აქვს უფლება გადაიღოს ან ჩაწეროს. ტელეფონებით სარგებლობა აკრძალულია“, - წერს ზურაბიშვილი სოციალურ პლატფორმა X-ზე.
შეგახსენებთ, „საერთო სასამართლოების შესახებ" კანონში დაგეგმილი ერთ-ერთი ცვლილების თანახმად, სასამართლოში - სასამართლოს შენობაში, სასამართლო სხდომის დარბაზსა და სასამართლოს ეზოში მედიის მიერ ფოტო-ვიდეო გადაღება და ტრანსლაცია დაუშვებელი იქნება. გადაღების უფლებამოსილება თავად სასამართლოს ან სასამართლოს მიერ უფლებამოსილ პირს ექნება.
