მარკო რუბიო - რუსები აპირებენ, წარმოადგინონ პირობები, რომელთაც ცეცხლის შეწყვეტის მისაღწევად მოითხოვენ
21.05.2025 ნახვები: 437
რუსეთი აშშ-ს დაჰპირდა, რომ წარუდგენს „იმ პირობებს, რაც მათთვის საჭიროა უკრაინასთან ცეცხლის შეწყვეტის მისაღწევად“, – ამის შესახებ აშშ-ის სახელმწიფო მდივანმა, მარკო რუბიომ სენატში გამართულ მოსმენებზე განაცხადა.
„რამდენადაც ჩვენთვის ცნობილია, რუსები აპირებენ, წარმოადგინონ პირობები, რომლებსაც ისინი მოითხოვენ ცეცხლის შეწყვეტის მისაღწევად, რაც შემდგომში უფრო ფართო მოლაპარაკებების ჩატარების საშუალებას მოგვცემს. ჩვენ ველოდებით ამ პირობებს და მაშინ, როდესაც დავინახავთ, როგორი იქნება ეს პირობები, გაცილებით უკეთესი წარმოდგენა გვექნება პუტინის განზრახვებზე“, – განაცხადა რუბიომ.
როგორც აშშ-ის სახელმწიფო მდივანმა აღნიშნა, აშშ-ის სურს უკრაინის კონფლიქტის მოგვარება და არა „მშვიდობა, რომელიც სამ თვეს გაგრძელდება და შემდეგ კვლავ განახლდება“ საომარი მოქმედებები.
