დანიის პრემიერ-მინისტრი, მეტე ფრედერიკსენი უკრაინის მოკავშირეებს მოუწოდოს, მწვანე შუქი აუნთონ უკრაინას მათ მიერ მიწოდებული იარაღის რუსეთის წინააღმდეგ შორ მანძილზე გამოყენებისთვის.
„ჩემი წინადადებაა, დავასრულოთ დისკუსია წითელი ხაზების შესახებ“, - განაცხადა ფრედერიკსენმა Bloomberg-თან ინტერვიუში.
მისი თქმით, წითელ ხაზებზე საუბარი რუსეთს ძალიან კარგ კარტს აძლევს ხელში.
„არის მუდმივი დისკუსია იმის თაობაზე, გვაქვს ამის უფლება? მართლაც კარგი იქნება, რომ შეწყდეს არსებული შეფერხებები და ვფიქრობ, რომ იარაღის გამოყენებაზე შეზღუდვები უნდა მოიხსნას“, - განაცხადა დანიის პრემიერმა.
მისი თქმით, ყველაზე მნიშვნელოვანი წითელი ხაზი მაშინ გადაიკვეთა, როდესაც რუსები უკრაინაში შევიდნენ.
„ყველაზე მნიშვნელოვანი წითელი ხაზი უკვე გადაკვეთილია და ეს მაშინ, როდესაც რუსები შევიდნენ უკრაინაში. ასე რომ, არ მივიღებ ამ წინაპირობას და არასოდეს მივცემ არავის უფლებას რუსეთიდან გადაწყვიტოს, რა არის სწორი, რაც უნდა გაკეთდეს ნატო-ში, ევროპასა თუ უკრაინაში“, - აღნიშნა დანიის პრემიერმა.
