უკრაინის მიმართ დიდი ბრიტანეთის მხარდაჭერა ურყევი რჩება, - ამის შესახებ დიდი ბრიტანეთის ახალმა პრემიერ-მინისტრმა, კეირ სტარმერმა უკრაინის პრეზიდენტთან, ვოლოდიმირ ზელენსკისთან სატელეფონო საუბრის შემდეგ განაცხადა.
„რუსეთის აგრესიის წინააღმდეგ უკრაინის ბრძოლა ყველა ჩვენგანისთვის მნიშვნელოვანია. დიდი ბრიტანეთის მხარდაჭერა ურყევი რჩება“, - განაცხადა კეირ სტარმერმა.
დიდი ბრიტანეთის პრემიერ-მინისტრმა აღნიშნა, რომ ვოლოდიმირ ზელენსკისთან შეხვედრას მოუთმენლად ელის.
ვოლოდიმირ ზელენსკიმ კეირ სტარმერს დიდი ბრიტანეთის საპარლამენტო არჩევნებში გამარჯვება მიულოცა.
უკრაინის პრეზიდენტის განცხადებით, კეირ სტარმერმა უკრაინის მიმართ დიდი ბრიტანეთის ურყევი მხარდაჭერა კიდევ ერთხელ დაადასტურა.
