ვოლოდიმირ ზელენსკი - ოლაფ შოლცს პუტინის ბირთვული მუქარის ეშინია
10.04.2024 ნახვები: 462
უკრაინის პრეზიდენტი ვოლოდიმირ ზელენსკი აცხადებს, რომ გერმანიის კანცლერი, ოლაფ შოლცი Taurus-ის ფრთოსანი რაკეტების უკრაინისთვის მიწოდებაზე უარს ბირთვული საფრთხეების გამო ამბობს, მაგრამ აღნიშნავს, რომ ეს მსოფლიოს რუსეთის მხრიდან ბირთვული იარაღის შესაძლო გამოყენების საფრთხისგან არ დაიცავს.
ზელენსკის თქმით, უკრაინას იარაღი სჭირდება გადარჩენისთვის და მას არ ესმის, რატომ არ იღებს ამ იარაღს ქვეყანა. უკრაინის პრეზიდენტი გულისხმობდა გერმანულ Taurus-ის რაკეტებს, ამერიკულ ATACMS-ის მცირე მანძილზე მოქმედ რაკეტებს და F-16 ტიპის მოიერიშე თვითმფრინავებს.
”ვფიქრობ, კითხვა არც ისე მარტივია. რამდენადაც მე მესმის, კანცლერი ამბობს, რომ გერმანია არ არის ბირთვული ძალა და რომ ეს არის ყველაზე ძლიერი იარაღის სისტემა გერმანიაში და შოლცი ვერ ტოვებს თავის ქვეყანას ამ იარაღის სისტემის გარეშე.”
კითხვაზე, აქვს თუ არა კავშირი Taurus-ის არ მიწოდებას პუტინის ბირთვულ მუქარასთან, ვოლოდიმირ ზელენსკიმ უპასუხა, რომ აქვს და დასძინა : ”მაგრამ არ მგონია, რომ ეს დაიცავს მსოფლიოს რუსეთის მხრიდან ბირთვული იარაღის საფრთხისგან.”
უკრაინის პრეზიდენტმა ასევე განაცხადა, რომ არ გამორიცხავს რუსეთის მხრიდან ხარკოვზე მასშტაბურ შეტევას, როგორც ამას ოკუპანტები ომის დასაწყისში ცდილობდნენ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
