პენტაგონი - აშშ მზადაა, დაიცვას ნატო-ელი მოკავშირეები თავდასხმის შემთხვევაში
27.03.2024 ნახვები: 502
აშშ მზადაა, შეასრულოს ნატო-ს ვალდებულებები და დაიცვას თავისი მოკავშირეები თავდასხმის შემთხვევაში, - ამის შესახებ პენტაგონის პრესსპიკერმა, საბრინა სინგმა განაცხადა.
"ამ ადმინისტრაციას არაერთხელ უთქვამს, რომ ჩვენ დავიცავთ ნატო-ს თითოეულ დუიმს, თუ ნატო-ს მოკავშირეს თავს დაესხმებიან - ჩვენ, რა თქმა უნდა, არ გვინდა ამის ხილვა- მაგრამ ჩვენ დავიცავთ ნატო-ს თითოეულ დუიმს", - განაცხადა სინგმა, როდესაც რუსული რაკეტის მიერ პოლონეთის საჰაერო სივრცის გადაკვეთასთან დაკავშირებულ შეკითხვას უპასუხა.
მანამდე, პოლონეთის საგარეო საქმეთა მინისტრის მოადგილემ, ანჯეი სეინამ განაცხადა, რომ ნატო, გავრცელებული ინფორმაციით, განიხილავს რუსული რაკეტების ჩამოგდების ვარიანტს, თუ ისინი ძალიან მიუახლოვდებიან მის საზღვრებს.
რუსული რაკეტა პოლონეთის საჰაერო სივრცეში 24 მარტს, უკრაინის წინააღმდეგ განხორციელებული საჰაერო იერიშის დროს შეიჭრა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
