აშშ-ის ფედერალურმა სააპელაციო სასამართლომ ტეხასის საიმიგრაციო კანონის მოქმედება შეაჩერა. ამის შესახებ ინფორმაციას CNN-ი ავრცელებს.
აშშ-ის ფედერალურმა სააპელაციო სასამართლომ ბრძანება უზენაესი სასამართლოს გადაწყვეტილებიდან რამდენიმე საათში გამოსცა.
გვიან ღამით, აშშ-ის უზენაესმა სასამართლომ ტეხასის შტატს უფლება მისცა იმ კანონის აღსრულება დაეწყო, რომელიც ტეხასის პოლიციას მიგრანტების დასაკავებლად, რომლებიც საზღვრის უკანონოდ გადაკვეთაში არიან ეჭვმიტანილები, ფართო უფლებამოსილებას ანიჭებს.
აშშ-ის უზენაესი სასამართლოს გადაწყვეტილების გამოცხადების შემდეგ, მექსიკის მთავრობამ განაცხადა, რომ ტეხასის შტატიდან მიგრანტების თავის ტერიტორიაზე დაბრუნებას არ დაუშვებდა.
