რუსეთის წინააღმდეგ ევროკავშირის სანქციების მე-13 პაკეტს უნგრეთი არ დაბლოკავს
20.02.2024 ნახვები: 503
რუსეთის წინააღმდეგ ევროკავშირის სანქციების მე-13 პაკეტს უნგრეთი არ დაბლოკავს, - ამის შესახებ უნგრეთის საგარეო საქმეთა მინისტრმა, პიტერ სიიარტომ ევროკავშირის ქვეყნების საგარეო საქმეთა მინისტრების შეხვედრის შემდეგ განაცხადა.
პიტერ სიიარტომ განმარტა, რომ რუსეთის წინააღმდეგ ევროკავშირის სანქციების მე-13 პაკეტის ყველა ის ელემენტი, რომელიც უნგრეთის ინტერესებს აზიანებდა ამოღებულია, ამიტომ უნგრეთი მის დამტკიცებას წინააღმდეგობას არ გაუწევს.
„სანქციების სიაში შემავალი კონკრეტული ზომები, უნგრეთის ფუნდამენტურ ეკონომიკურ ინტერესებზე გავლენას არ ახდენს, მაგრამ პრობლემა გაცილებით დიდია. ევროკავშირი სრულიად წარუმატებელ სტრატეგიას აგრძელებს, რომელიც მშვიდობასთან დაახლოების ნაცვლად, მას გვაშორებს“, - განაცხადა უნგრეთის საგარეო საქმეთა მინისტრმა.
სიიარტომ ევროკავშირის პოლიტიკა გააკრიტიკა და აღნიშნა, რომ სანქციების წინა პაკეტებმა ზიანი მხოლოდ ევროკავშირის ეკონომიკას მიაყენა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
