Facebook-ისა და Instagram-ის მშობელი კომპანიის, Meta-ს საბაზრო კაპიტალიზაცია ახალ რეკორდულ ნიშნულამდე გაიზარდა და მან 1 ტრილიონ 200 მილიარდ დოლარს მიაღწია.
ბოლო 24 საათის განმავლობაში კომპანიის აქციების ღირებულება 19%-ითაა გაზრდილი, ერთწლიან პერიოდში მატების მაჩვენებელი კი 150%-ს აჭარბებს.
Meta-ს წარმატება პირდაპირ კავშირშია ფინანსური შედეგების გასაჯაროებასთან. როგორც ირკვევა, გასული წლის მეოთხე კვარტალში კომპანიის შემოსავლები 25%-ით გაიზარდა, ხოლო მოგებამ 14 მილიარდ დოლარს მიაღწია, რაც გასამმაგებული მაჩვენებელია.
ამ შედეგების წყალობით, მარკ ცუკერბერგის მიერ დაფუძნებული ტექნოლოგიური გიგანტი მსოფლიოს უმსხვილესი კომპანიების რეიტინგში მე-7 ადგილზე აღმოჩნდა და თამამად შეიძლება ითქვას, რომ წელს მას ერთ-ერთი საუკეთესო შედეგი აქვს, თანაც ეს ყველაფერი მეტავერსის გარეშე.
BM.GE
