იყო თუ არა პრემიერის ვიზიტი ბრიუსელში წარმატებული - ენმ-ს წევრი პეტრე ცისკარიშვილი ამბობს, რომ "ოცნების" ლიდერები ბრიუსელსა და აშშ-ში მხოლოდ მოჩვენებითად ჩადიან, რეალურად კი მათი მიზანი რუსული ინტერესების გატარებაა.
ოპოზიციის წევრი ხელისუფლებას ახსენებს, რომ პოლიტპატიმრების, მესამე პრედენტის წამების და მედიისადმი მსგავისი დამოკიდებულებით ქვეყანა ევროკავშირის კანდიდატის სტატუსს ვერ მიიღებს.
"თავს ვალდებულად თვლიან, რომ წელიწადში ერთხელ მაინც ჩავიდნენ ხოლმე ბრიუსელში, აშშ-ში და დააფიქსირონ, ვითომ ამ ხელისუფლებას აქვს ევროატლანტიკური მისრწაფება. შეიძლება საჯარო განცხადებებში ეს ადამიანები აკეთებდნენ დიპლომატიურ კომუნიკაციას, განცხადებებში დეტალებში არ შედიოდნენ, როდესაც გვესაუბრებიან კანონის უზენაესობაზე, მეტ დემოკრატიაზე, მართლმსაჯულების რეფორმაზე, მაგრამ „რუსული ოცნებისთვის“, ქოცებისთვის, განმარტებითი ბარათები ნამდვილად მოჰყვება, როდესაც იქ არის კოკნრეტული საუბარი, რომ ქვეყანაში არ უნდა გყავდეს პოლიტპატიმრები, მესამე პრეზიდენტს არ უნდა კლავდეთ, პრესასთან დამოკიდებულება უნდა იყოს აბსოლუტურად განსხვავებული, - განაცხადა ცისკარიშვილმა
პრემიერს ბრიუსელში გამართულ ყველა შეხვედრაზე ე პირდაპირ უთხრეს, რომ რეფორმების გარეშე საქართველო სტატუსს ვერ მიიღებს. ირაკი ღარიბაშვილი გუშინ შეეცადა დაემალა, რომ ევროპაში მისი ვიზიტი წარუმატებელი იყო.
განსხვავებულ ინფორმაციას ავრცელებს შარლ მიშელი, რომელმაც საქართველოს პრემიერთან ერთობლივი ბრიფინგი ჩაშალა. ევროპული საბჭოს პრეზიდენტმა პირდაპირ თქვა, რომ საქართველო სტატუსს სასმართლო რეფორმის, მედიის თავისუფლების და კანონის უზენაესობის გარეშე ვერ მიიღებს.
