ისრაელის თავდაცვის სამინისტროს ინფორმაციით, ისრაელმა ლიბანსა და ღაზას სექტორში ავიაიერიშები განახორციელა.
ისრაელში აცხადებენ, რომ ავიაგამანადგურებლებმა სხვადასხვა სამიზნეს დაარტყეს, მათ შორის ჰამასის გვირაბებსა და იარაღის წარმოების ობიექტებს.
გუშინ, ისრაელმა პალესტინის შეიარაღებული დაჯგუფება ჰამასი სამხრეთ ლიბანიდან ისრაელის მიმართულებით ათობით რაკეტის გასროლაში დაადანაშაულა. ისრაელში აცხადებენ, რომ 34 რაკეტიდან უმეტესი მოიგერიეს, მაგრამ ექვსი ისრაელის ტერიტორიაზე დაეცა, რამაც შენობები დააზიანა.
