მეტრო სადგურ „ვაჟა ფშაველაზე“ 31 წლის მამაკაცი მოძრავ მატარებელს ჩაუხტა
28.02.2023 ნახვები: 1619
მეტრო სადგურ „ვაჟა ფშაველაზე“, 31 წლის მამაკაცი მატარებლის სავალ გზაზე გადახტა და თვითმკვლელობა სცადა.
როგორც „ნეიშენ ჯორჯიას“ შემთხვევის ადგილზე განუცხადეს, მამაკაცი ლიანდაგებზე იმ დროს გადახტა, როდესაც სადგურში მატარებელი შემოვიდა. იგი ლიანდაგებს შორის აღმოჩნდა და ცოცხალი გადარჩა.
„მემანქანემაც იმარჯვა“ - აცხადებენ თვითმხილველები.
პოლიციამ და მგზავრებმა მამაკაცის ამოყვანა შეძლეს.
ადგილზე დროულად მოვიდა სასწრაფო დამხმარების ბრიგადა, სამაშველო სამსახური და მამაკაცს ადგილზე ჩაუტარდა პირველადი დახმარება.
ამჟამად იგი გადაყვანილია საავადმყოფოში.
რა გახდა მამაკაცის მიერ თვითმკვლელობის მცდელობის მიზეზი უცნობია.
ინციდენტის პერიოდში მეტროში მატარებლების მოძრაობა დროებით შეწყდა.
