საქართველოს პარლამენტის თავმჯდომარე შალვა პაპუაშვილი თურქეთში მიწისძვრის შედეგად დაღუპულებისა და დაშავებულების გამო მწუხარებას გამოთქვამს.
„ღრმა მწუხარებას გამოვთქვამ თურქეთში მომხდარი მიწისძვრისგან დაღუპულების და დაშავებულების გამო. ვუსამძიმრებ დაზარალებულ ოჯახებს და მთელ ერს“,- წერს პაპუაშვილი „ტვიტერის“ გვერდზე.
ბოლო მონაცემებით, თურქეთში ძლიერი მიწისძვრის შედეგად 284 ადამიანი დაიღუპა, ხოლო 2 323 დაშავდა. სტიქიამ ქვეყნის სამხრეთ-აღმოსავლეთით მდებარე ათზე მეტი ქალაქი დააზარალა. ადგილზე მობილიზებული არიან მაშველები, სამართალდამცველები და არმია.
