რუსეთის ძალებმა ქალაქ ავდეევკას ცენტრალური ბაზარი დაბომბეს, დაიღუპა სულ მცირე შვიდი ადამიანი
12.10.2022 ნახვები: 736
დონეცკის ოლქში დასახლება ავდეევკასთვის რუსეთის ძალების მიერ გახსნილ ცეცხლს სულ მცირე შვიდი ადამიანი ემსხვერპლა, რვა კი დაშავდა. შესაბამის ინფორმაციას უკრაინული მედია დონეცკის სამხედრო საოლქო ინფრასტრუქტურის ხელმძღვანელზე პაველ კირილენკოზე დაყრდნობით ავრცელებს.
მისი ცნობით, საოკუპაციო ძალებმა დარტყმა განახორციელეს ავდეევკას ცენტრალურ ბაზარზე.
„ასეთ დაბომბვას არ აქვს არანაირი სამხედრო ლოგიკა – მხოლოდ რაც შეიძლება მეტი ჩვენი მოქალაქის მოკვლისა და სხვების დაშინების შეუკავებელი სწრაფვა. ამაშია რუსების მთელი არსი. მათ არ ძალუძთ უკრაინის არმიისთვის წინააღმდეგობის გაწევა, ამიტომ ეომებიან უიარაღო სამოქალაქო პირებს“, – წერს კირილენკო.
