შინაგან საქმეთა მინისტრის მოადგილის ალექსანდრე დარახველიძის განცხადებით, ოკუპირებულ აფხაზეთში ბელარუსის პრეზიდენტ ალექსანდრ ლუკაშენკოს ჩასვლა საერთაშორისო სამართლის ნორმების უხეში დარღვევაა და სახელმწიფო გააკეთებს ყველაფერს საერთაშორისო სამართლის ფარგლებში, რათა ადეკვატური პასუხი გაეცეს ამ პროვოკაციულ ქმედებას.
„ეს იყო ძალიან მძიმე ფაქტი, რა თქმა უნდა, ვგმობთ მის ვიზიტს რუსეთის მიერ ოკუპირებულ აფხაზეთის რეგიონში. ეს არის საერთაშორისო სამართლის ნორმების უხეში დარღვევა და ჩვენი სახელმწიფო გააკეთებს ყველაფერს საერთაშორისო სამართლის ფარგლებში, რათა ადეკვატური პასუხი გაეცეს ამ პროვოკაციულ ქმედებას. საერთაშორისო სამართლით შესაბამისი ღონისძიებები არის გათვალისწინებული და სახელმწიფო იმ ნორმების შესაბამისად იმოქმედებს“, – აღნიშნა ალექსანდრე დარახველიძემ.
