რუსეთი სარაკეტო დარტყმებით ცდილობს, შეაჩეროს დასავლელი პარტნიორების მხრიდან უკრაინის სამხედრო დახმარება. ამის შესახებ უკრაინის პრეზიდენტის ადმინისტრაციის ხელმძღვანელმა ანდრეი ერმაკმა განაცხადა.
მისი თქმით, კრაინელი სამხედროებისთვის ახალი იარაღის მიწოდება კვლავ გრძელდება.
"რუსეთს ძალიან სურს სარაკეტო დარტყმებით შეაჩეროს დასავლეთის დახმარება, ჩვენი ახალი და ძლიერი იარაღი, მაგრამ ვერ შეაჩერებს. ყველაფერი იქნება", - აღნიშნა ერმაკმა.
უკრაინის რამდენიმე რეგიონი რუსების სარაკეტო დარტყმის სამიზნე გახდა.
აფეთქებები იყო ლვივში, სადაც სამი ელექტრო-ქვესადგური დაზიანდა.
ქვეყნის უკიდურეს ჩრდილო-აღმოსავლეთში, სუმის რეგიონში განხორციელდა თავდასხმა რაკეტებითა და ნაღმტყორცნებით.
