პუტინი: უკრაინასთან შერიგება გარდაუვალია, ეს დროის საკითხია
04.05.2025 ნახვები: 198
რუსეთის პრეზიდენტის, ვლადიმირ პუტინის განცხადებით, რუსეთისა და უკრაინის შერიგება გარდაუვალია და ეს მხოლოდ დროის საკითხია.
"მეჩვენება, რომ ეს გარდაუვალია, მიუხედავად იმ ტრაგედიისა, რომელსაც ახლა განვიცდით... ეს დროის საკითხია", - განაცხადა პუტინმა საიდა მედვედევასა და პაველ ზარუბინის დოკუმენტურ ფილმში "რუსეთი. კრემლი. პუტინი. 25 წელი".
ოკუპანტი სახელმწიფოს პრეზიდენტმა ასევე დასძინა, რომ რუსეთს საკმარისი ძალები და რესურსები გააჩნია იმისთვის, რომ ომი უკრაინაში "ლოგიკურ დასასრულამდე" მიიყვანოს.
"ჩვენ საკმარისი ძალა და რესურსები გვაქვს, რათა 2022 წელს დაწყებული საქმე ლოგიკურ დასასრულს მივიყვანოთ და მივიღოთ ის შედეგი, რაც რუსეთს სჭირდება", - თქვა მან.
