წალენჯიხის მერიამ დაიწყო პროექტი "წალენჯიხის ახალგაზრდული თვითმმართველობა"
28.04.2025 ნახვები: 332
წალენჯიხის მუნიციპალიტეტის მერიამ დაიწყო პროექტი "წალენჯიხის ახალგაზრდული თვითმმართველობა".
პროექტი ითვალისწინებს 16 წლიდან წალენჯიხელი ახალგაზრდების ჩართვას მუნიციპალურ აქტივობებში, კერძოდ: ტურიზმის განვითარების, კულტურის, განათლების, გარემოს დაცვისა და სხვა მიმართულებით.
პროექტის ფარგლებში ადგილობრივი ხელისუფლება მხარს დაუჭერს ახალგაზრდულ აქტივობებს, აგრეთვე პროექტში ჩართული მოსწავლეები გაივლიან სხვადასხვა ტრენინგ კურსებს დემოკრატიის, ადამიანს უფლებების, ადგილობრივი თვითმმართველობის საქმიანობის მიმართულებით.
პროექტი ითვალისწინებს გასართობ აქტივობებსაც, რისთვისაც მუნიციპალიტეტის მერიამ უზრუნველყო შესაბამისი სივრცე, სადაც ახალგაზრდებს შეეძლებათ დროის სასიამოვნოდ და სასარგებლოდ გატარება.
რეგისტრაცია შესაძლებელია მითითებულ ბმულზე.
