უკრაინის თავდაცვის სამინისტროს მთავარი სადაზვერვო სამმართველოს ხელმძღვანელის, კირილ ბუდანოვის განცხადებით, იმ სამიზნეებს შორის, რომელსაც უკრაინამ 21 აგვისტოს ღამით რუსეთის ტერიტორიაზე შეუტია, იყო რადიოკავშირის ცენტრი, აეროპორტი და საჰაერო ბაზა.
”ჩვენ ჩავატარეთ რამდენიმე ოპერაცია დრონების გამოყენებით,” - აღნიშნა ბუდანოვმა The War Zone-სთვის მიცემულ კომენტარში.
მისი თქმით, რადიოტექნიკური დაზვერვის ცენტრზე თავდასხმის გარდა, დაზვერვის მთავარმა სამმართველომ უპილოტო საფრენი აპარატებით ასევე შეუტია მოსკოვის „ოსტაფიევოს“ აეროპორტს და როსტოვის რეგიონში მდებარე „მილეროვოს“ საჰაერო ბაზას. „მთლიანობაში გამოყენებული იქნა 50-მდე დრონი“, - დასძინა ბუდანოვმა.
მისი განმარტებით, არკვევენ, მიადგა თუ არა დაზიანება აღნიშნულ ობიექტებს.
