ოლაფ შოლცი - უკრაინამ კურსკის ოლქში თავისი ოპერაცია ძალიან საიდუმლოდ და უკუკავშირის გარეშე მოამზადა

უკრაინამ კურსკის ოლქში თავისი ოპერაცია ძალიან საიდუმლოდ და უკუკავშირის გარეშე მოამზადა, - ამის შესახებ გერმანიის კანცლერმა, ოლაფ შოლცმა მოლდოვის პრეზიდენტ, მაია სანდუსთან ერთად კიშინიოვში გამართულ პრესკონფერენციაზე განაცხადა.

შოლცმა განმარტა, რომ რუსეთის კურსკის ოლქში 6 აგვისტოს შეჭრასთან დაკავშირებით უკრაინას გერმანიასთან კონსულტაციები არ გაუვლია, და აღნიშნა, რომ ბერლინი ყურადღებით დააკვირდება შეჭრასთან დაკავშირებით შემდგომ გამოვლენებას.

“უკრაინამ კურსკის ოლქში თავისი სამხედრო ოპერაცია ძალიან საიდუმლოდ და უკუკავშირის გარეშე მოამზადა, რაც უდავოდ არსებულმა ვითარებამ გამოიწვია. ეს ძალიან შეზღუდული ოპერაციაა სივრცისა და, ალბათ, დროის მხრივადაც”, - განაცხადა შოლცმა.

ბოლო დღეებში გავრცელებული ცნობების ფონზე, თითქოს გერმანია შიდა პოლიტიკური ვითარებიდან გამომდინარე უკრაინის სამხედრო დახმარებას შეწყვეტს, შოლცმა აღნიშნა, რომ გერმანია მომავალშიც იქნება “უკრაინის ყველაზე დიდი მხარდამჭერი ევროპაში”.