გერმანიამ უკრაინას სამხედრო დახმარების ახალი პაკეტი გადასცა, რომელიც IRIS-T საჰაერო თავდაცვის სისტემას და Vector -ის დრონებს მოიცავს, - ამის შესახებ გერმანიის მთავრობის პრესსამსახურის განცხადებაშია აღნიშნული.
მათივე ინფორმაციით, დახმარების ფარგლებში უკრაინა მიიღებს: IRIS-T SLS-is საჰაერო თავდაცვის სისტემას, 155 მმ-იანი კალიბრის 14 ათას ტყვიას, 10 უეკიპაჟო ხომალდს, Vector -ის ტიპის 16 დრონს სათადარიგო ნაწილებით, მასალებს ფეთქებადი ობიექტების გასანეიტრალებლად, Bergepanzer 2-ის ტიპის სარემონტო-საევაკუაციო ჯავშანმანქანას სათადარიგო ნაწილებით, 55 ათას პირველადი სამედიცინო დახმარების ნაკრებს, MK 556 ტიპის 700 საიერიშო შაშხანას, HLR 338 ტიპის მაღალი სიზუსტის 10 შაშხანას ვაზნებით, CR 308 ტიპის 50 შაშხანას.
გერმანიის მთავრობის პრესსამსახურის ინფორმაციით, უკრაინის სამხედრო დახმარებაზე დაიხარჯა, დაახლოებით, 5 მილიარდი ევრო (2023 წელს) და დაახლოებით 1.6 მილიარდი ევრო (2022 წელს). კიდევ დაახლოებით 2.9 მილიარდი ევრო გამოიყო ომის პირველ ორ წელს იმ მარაგებისთვის, რომელსაც უკრაინა 2025-2028 წლებში მიიღებს.
