ვაკეში, ყიფშიძის ქუჩაზე 80 წლის მამაკაცი მოკლეს – შსს-ს ინფორმაციით, დანაშაული ცხელ კვალზე გახსნილია
ქობულეთში, სამსახურებრივი მდგომარეობის ძალადობით გადამეტების ფაქტზე სამ ყოფილ პოლიციელს 6 წლით თავისუფლების აღკვეთა მიესაჯა
კახა კალაძე: გამრეკელის ქუჩაზე წყალსადენის დაზიანების შედეგად დაზარალებულ ოჯახებს ზარალი სრულად აუნაზღაურდებათ
ვახო სანაია პატიმრობიდან გათავისუფლების შემდეგ: მათი გზავნილია „ყველას დაგიჭერთ“, ჩვენი გზავნილია – არ გვეშინია!
ავტომობილების ხმაურის დასაშვები ზღვარი 100 დეციბელამდე გაიზარდა – დარღვევისთვის ჯარიმა 100-დან 300 ლარამდეა
რატომ სჭირდება საქართველოს ქარის ენერგია – ენერგოდამოუკიდებლობის რეალური ფასი
ზელენსკი: საჰაერო თავდაცვა უკრაინის მთავარი პრიორიტეტია – პარტნიორებს რაკეტები საწყობებში არ უნდა ეწყოთ
დონალდ ტრამპი: თუ ირანი ვაშინგტონში თავდასხმას განახორციელებს, ისეთ ფასს გადაიხდის, როგორიც აქამდე არცერთ ქვეყანას არ გადაუხდია

თეონა აქუბარდია ბექა ოდიშარიაზე - წარმოუდგენელია ასეთი ენით საუბარი პარლამენტში

ნახვები: 822 თეონა აქუბარდია ბექა ოდიშარიაზე - წარმოუდგენელია ასეთი ენით საუბარი პარლამენტში

ოპოზიციონერი დეპუტატის, თეონა აქუბარდიას განცხადებით, უმრავლესობის დეპუტატის, ბექა ოდიშარიას შეურაცხმყოფელი ეპითეტების გამო, მას საპარლამენტო უმრავლესობის ლიდერმა, მამუკა მდინარაძემ ბოდიში პირად საუბრებში მოუხადა.

აქუბარდიას თქმით, ბექა ოდიშარიას მსგავსი განცხადებებით ხდება გენდერული ნიშნით დისკრიმინაციისა და სექსისტური განცხადების წახალისება.

„სექსისტური და გენდერული ნიშნით დისკრიმინაციული და დისკრიმინაციის წამახალისებელი განცხადებები პარლამენტში ქალი დეპუტატების მიმართ არახალია. ჩემი მისამართით სექსისტური და გენდერული დისკრიმინაციის მატარებელი განცხადების შეფასება სახალხო დამცველმა თავის ანგარიშში ადეკვატურად ასახა. დღეს, როდესაც ქალთა კვოტირების გაუქმების საკითხი იხილებოდა და ანა ნაცვლიშვილი ტრიბუნიდან გამოდიოდა და ამ საკითხთან დაკავშირებით საკუთარ პოზიციას აფიქსირებდა, დიახ, იყო ეს ფრაზა, სადაც მე მქონდა შელაპარაკება ამ ფრაზის ავტორთან. წარმოუდგენელია ასეთი ენითა და ლექსიკით საუბარი პარლამენტში, მით უფრო როცა საუბარია ქალთა კვოტირების საკითხზე და როდესაც კაცი ელაპარაკება ქალს ამ ენით. ეს არც ქართულია და არც მანდილის ღირსებაში ჯდება. ეს არის კაცი, რომელიც მანდილის ღირსების დაცვა მოგვიწოდებდა.

ამით ხდება წახალისება გენდერული ნიშნით დისკრიმინაციისა და სექსისტური განცხადების. ერთადერთი რაც შემიძლია ვთქვა, არის ის, რომ მამუკა მდინარაძემ გულწრფელად ბოდიში მომიხადა თავისი კოლეგის ამ განცხადების გამო, რასაც ვაფასებ თუმცა ეს საკმარისი არ არის“, - განაცხადა თეონა აქუბარდიამ.

პარლამენტის პლენარულ სხდომაზე ოდიშარიამ შეურაცხმყოფელი რეპლიკა მაშინ გამოიყენა, როცა პარლამენტის ტრიბუნიდან გენდერული კვოტირების გაუქმების კრიტიკით „ლელოს“ დეპუტატი ანა ნაცვლიშვილი გამოდიოდა.

ყველას ნახვა
ყველას ნახვა
ყველას ნახვა