გურამ მაჭარაშვილი - ვის რაში სჭირდება „ნაციონალური მოძრაობის“ მანდატები

ვის რაში სჭირდება „ნაციონალური მოძრაობის“ მანდატები საკრებულოში ან პარლამენტში და, მით უმეტეს, ოფისი? თუ ხაბეიშვილს ჰგონია, რომ მათ მანდატებს რაიმე წონა აქვს, ძალიან ცდება, – ამის შესახებ მოძრაობა „ხალხის ძალის“ წევრმა, გურამ მაჭარაშვილმა განაცხადა.

მაჭარაშვილი გამოეხმაურა „ნაციონალური მოძრაობის“ ახალი თავმჯდომარის, ლევან ხაბეიშვილის განცხადებას, სადაც ის ამბობს: „მიხეილ სააკაშვილს თუ გაუშვებენ, მე და „ნაციონალური მოძრაობა“ მზად ვართ, ამის სანაცვლოდ დავტოვოთ საკრებულო, პარლამენტი, „ნაციონალური მოძრაობის“ ცენტრალური ოფისი გავუფორმოთ ბიძინა ივანიშვილს და ჩვენი ქვეყნისთვის ბრძოლა დავიწყოთ მინუსებიდან“.

გურამ მაჭარაშვილის განცხადებით, ხაბეიშვილმა თავმჯდომარეობა არასერიოზულობით დაიწყო.

„ის თუ იცის, რომ არაფერი ღირს, არაფერს ვის სთავაზობს? ხაბეიშვილმა თავმჯდომარეობა არასერიოზულობით დაიწყო, რაც მოსალოდნელიც იყო. მან აღიარა, რომ არის მერაბიშვილ-კეზერაშვილი. პარტიის დაშლა დაწყებულია და ოპოზიცია 2024 წლის არჩევნებისთვის უნდა მოემზადოს, რათა ჩაანაცვლოს ეს ძალა. ლევან ხაბეიშვილი არ არის სერიოზული – პარტიაში მივიდა და ცარიელი ოფისი დახვდა, მას სერიოზულად არავინ აღიქვამს. ამბობენ, რომ ამ პარტიაში გაიმარჯვა არაფორმალურმა მმართველობამ. არაფორმალურ მმართველობას ქვეყანაში ეძებდნენ და საკუთარ პარტიაში მიიღეს“, – განაცხადა გურამ მაჭარაშვილმა.