საფრანგეთის პრეზიდენტის, ემანუელ მაკრონის განცხადებით, გასული რამდენიმე საათის განმავლობაში ევროკომისიის პრეზიდენტს, ურსულა ფონ დერ ლაიენს, გაერთიანებული სამეფოს პრემიერ-მინისტრს, კირ სტარმერს, გერმანიის კაცნლერს, ოლაფ შოლცს, თურქეთის პრეზიდენტს, რეჯეფ თაიფ ერდოღანსა და უნგრეთის პრემიერ-მინისტრს, ვიქტრორ ორბანს ესაუბრა.
მაკრონი სოციალურ პლატფორმა X-ზე წერს, რომ ევროპელი კოლეგები და მოკავშირეები მზად არიან უკრაინაში სამართლიანი, მტკიცე და ხანგრძლივი მშვიდობის დასაბრუნებლად.
„ევროპელ კოლეგებთან და მოკავშირეებთან გასული დღეების დისკუსიების შემდეგ, მზად ვართ, უზრუნველვყოთ, რომ უკრაინაში მშვიდობა დაბრუნდეს სამართლიანად, მტკიცედ და ხანგრძლივად და რომ ევროპელების უსაფრთხოება გაძლიერდეს მომავალი მოლაპარაკებების გზით“, - წერს მაკრონი.
