„ქართული ოცნების“ პრემიერ-მინისტრი, ირაკლი კობახიძე მიესალმება აშშ-ის ახალი პრეზიდენტის, დონალდ ტრამპის გადაწყვეტილებას, რომელიც აშშ-ის საგარეო დახმარების ყველა პროგრამის 90 დღით შეჩერებას ითვალისწინებს.
კობახიძე იმედოვნებს, რომ ტრამპის გადაწყვეტილება 90 დღის შემდეგაც გაგრძელდება, ვინაიდან „ოცნების“ პრემიერის მტკიცებით, “არ შეიძლება გარედან ფინანსდებოდეს ჩვენს ქვეყანაში დესტაბილიზაციის მცდელობები“.
"როგორც მოგეხსენებათ, დაფინანსება 3 თვით შეჩერდა და ჩვენ დიდი იმედი გვაქვს, რომ ეს დაფინანსება კიდევ დიდი ხნით გაჩერდება. რა თქმა უნდა, ეს ყველაფერი წაადგება ჩვენი ქვეყნის სტაბილურ განვითარებას. არ შეიძლება გარედან ფინანსდებოდეს ჩვენს ქვეყანაში დესტაბილიზაციის მცდელობები“, – განაცხადა ირაკლი კობახიძემ.
