სააპელაციო სასამართლოში, საპარლამენტო არჩევნებისას ხმების ფარულობის დარღვევასთან დაკავშირებული სარჩელების განხილვა გრძელდება
07.11.2024 ნახვები: 452
სააპელაციო სასამართლოში, საპარლამენტო არჩევნებისას ხმების ფარულობის დარღვევასთან დაკავშირებული სარჩელების განხილვა გრძელდება.
როგორც "ინტერპრესნიუსს" "საქართველოს ახალგაზრდა იურისტთა ასოციაციის" ხელმძღვანელმა, ნონა ქურდოვანიძემ განუცხადა, სარჩელების განხილვა მთელი ღამის განმავლობაში მიმდინარეობდა. მისივე თქმით, საია-მ საქმის გადადების, დაყოფის, მოსამართლეთა აცილების შუამდგომლობები რამდენჯერმე დააყენა, თუმცა არ დაკმაყოფილდა.
ამასთან, როგორც საია-ს ხელმძღვანელი განმარტავს, ჯერ სასამართლო მტკიცებულებების გამოკვლევის ეტაპზე არ გადასულა.
"განხილვა მთელი ღამის განმავლობაში მიმდინარეობდა. რამდენიმე ტექნიკური შესვენება იყო. ახლა პროცესი განმარტებების ეტაპზეა", - აღნიშნა ქურდოვანიძემ.
ცნობისთვის, სააპელაციო სასამართლოში ხმების ფარულობის დარღვევასთან დაკავშირებული სარჩელების განხილვა გუშინ დაიწყო. სააპელაციო სასამართლომ საია-ს 12 და კოალიცია "ჩემი ხმის" საქმეები გააერთიანა.
IPN
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
