ევრო 2024 | შვეიცარიამ მოქმედი ჩემპიონი იტალია 2:0 დაამარცხა და მეოთხედფინალში ითამაშებს
29.06.2024 ნახვები: 516
ევრო 2024-ზე მერვედფინალური ეტაპი შვეიცარია-იტალიის მატჩით გაიხსნა. შვეიცარიის ნაკრებმა 2022 წელს მუნდიალიდან მაშინდელი მოქმედი მსოფლიო ჩემპიონი საფრანგეთი გამოთიშა, ამჯერად კი მოქმედი ევროპის ჩემპიონი იტალია დაამარცხა (2:0) და მეოთხედფინალის საგზური მოიპოვა.
ფაქტები
- შვეიცარიის ნაკრები ბოლო 18-დან მხოლოდ 1 მატჩში დამარცხდა.
- ამ შეხვედრამდე იტალიას შვეიცარიასთან 11 მატჩი არ ჰქონდა წაგებული.
- იტალიის ნაკრებს გაუტანეს ფროილერმა და ვარგასმა. შვეიცარიას მიმდინარე ევროპის ჩემპიონატზე 7 გოლი აქვს გატანილი, შვიდივე სხვადასხვა ფეხბურთელის ანგარიშზეა.
I ტაიმი
ევროპის მოქმედი ჩემპიონის, იტალიის შემადგენლობაში წინა პირველობის შემდეგ მნიშვნელოვანი ცვლილებები განხორციელდა. ახალი მთავარი მწვრთნელის, ლუჩანო სპლეტის ხელმძღვანელობით გუნდი ისეთივე შემტევ ფეხბურთს ვერ თამაშობს, როგორც ევრო 2020-ზე, რობერტო მანჩინის დროს.
„სკუადრა აძურა“ ვერც შვეიცარიასთან იყო ის გუნდი, რომლის თითოეული შეტევა სიმწვავით გამოირჩეოდა. თავის მხრივ, შვეიცარიელებმა გააზრებული და რაციონალური თამაშით ჯგუფურ ეტაპზეც კარგი შთაბეჭდილება დატოვეს და იტალიასთანაც კარგად გამოიყურებოდნენ. მათ მატჩის პირველი ტაიმი ფროილერის გოლით მოიგეს.
II ტაიმი
თამაშის სურათი მნიშვნელოვნად არც მეორე ტაიმში შეცვლილა, მიუხედავად იმისა, რომ შვეიცარიელებმა მეორე ნახევრის პირველივე წუთებზე გაიტანეს. ეს ვარგასმა 46-ე წუთზე გააკეთა. შვეიცარიამ მშვიდად მიიყვანა მატჩი გამარჯვებამდე და მეოთხედფინალის საგზური დამსახურებულად მოიპოვა, სადაც ინგლისისა და სლოვაკეთის წყვილში გამარჯვებულს შეხვდება.
1tv.ge
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
