მინდა ვუთხრა ივანიშვილს, ამდენ ადამიანს ვერ დააჩოქებს - ხაზარაძე

"მინდა ვუთხრა ივანიშვილს, ამდენ ადამიანს ვერ დააჩოქებს", - ამ განცხადებას "ლელოს" ლიდერი მამუკა ხაზარაძე აკეთებს.

ხაზარაძე ივანიშვილს მიმართავს და ეუბნება, რომ საზოგადოება პროტესტით არ დაიღლება:

"ბიძინა ივანიშვილმა გადაწყვიტა, რომ საქართველოში დაამყაროს რუსული დიქტატურა, ეს არის მთელი სცენარი. ივანიშვილი თავის საცეცებით ყოფს ქვეყანას და აპირისპირებს საზოგადოებას. მინდა ვუთხრა, რომ ამ კანონის და რუსიფიცირება საქართველოში არ გამოუვა, ამდენ ადამიანს ვერ დააჩოქებს... ჩვენ ვიქნებით აქ, მანამ, სანამ საქართველო არ გაგისტუმრებს ამ პოლიტიკური არენიდან, შენ ამ ქვეყანას მოიტანე დიდი ზიანი, აპირისპირებ და ამ დაპირისპირებას არ შეგარჩენთ,“ - ამბობს ხაზარაძე.

ხაზარაძე მიმართავს რუსული კანონის მხარდამჭერ დეპუტატებსაც: "არ მოგასვენებთ, იმიტომ, რომ თქვენ ემსახურებთ რუსეთს, რუსულ დიქტატურას და საქართველოს ყოფთ და საქარტველოს გაყოფა არავის შერჩენია"