სენატორების შერაცხყოფისათვის ზარქუა ბოდიშს იხდის-აბსოლუტურად სხვა კონტექსტში ვხუმრობდი ჟურნალისტებთან ოფიციალური კომენტარის გაკეთებამდე

დღევანდელ ფაქტს მინდა გამოვეხმაურო - ამის შესახებ მე-10 მოწვევის პარლამენტის დეპუტატი, "ქართული ოცნების" წევრი ირაკლი ზარქუა სოციალურ ქსელში წერს.

"1. დღეს გავრცელდა ჩანაწერი, რომელშიც ჩანს თითქოს შევურაცხყოფ აშშ-ს სენატორს.
რეალურად სენატორის შეურაცხყოფის მიყენების მიზანი ნამდვილად არ მქონია და აბსოლუტურად სხვა კონტექსტში ვხუმრობდი ჟურნალისტებთან ოფიციალური კომენტარის გაკეთებამდე, ვიდრე კამერებს ჩართავდნენ.
მანამდე დაწყებული ხუმრობის გაგრძელებასთან რომ გვქონდა საქმე, ეს იქ მყოფმა ჟურნალისტებმაც კარგად იციან.

2. ნებისმიერ შემთხვევაში ვწუხვარ, თუკი ვინმემ ისე გაიგო ჩემი გამონათქვამი, რა კონტექსტით და მიზნითაც ნაცმედიამ გაავრცელა.

P. S. როგორც წესი ასეთი შავი, არაოფიციალური მასალის გამოყენებას ჟურნალისტები არ კადრულობენ-ხოლმე, თუმცა, როგორც ჩანს, ჟურნალისტური მორალი მეასეხარისხოვანი ხდება, როდესაც სკანდალის ინტერესი დიდია." - წერს ირაკლი ზარქუა "ფეისბუქში".

ცნობისთვის, დღეს მედაში გავრცელდა ვიდეო მასალა სადა დეპუტატი სენატრ ჯინ შაჰინს "ჩათლახს" უწოდებს.