ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასი განაცხადა, რომ ევროკავშირს საქართველოს მთავრობის მხარდაჭერა არ სურს და მისი მთავარი მიზანი ქართველი ხალხის მხარდაჭერაა.
ბრიუსელში, ევროკავშირის წევრი ქვეყნების საგარეო საქმეთა მინისტრების შეხვედრის დაწყებამდე, საქართველოს შესახებ დასმული კითხვის საპასუხოდ კალასმა აღნიშნა, რომ ევროკავშირში მიმდინარეობს მსჯელობა, თუ როგორ შეიძლება ეს ისე გაკეთდეს, რომ ქართველმა ხალხმა ევროპის იმედი არ დაკარგოს.
„შავი ზღვის სტრატეგია, რომელიც ჯერ კიდევ გასული წლიდან გვაქვს შემუშავებული, ახლა უკვე განხორციელების ფაზაშია. შავი ზღვის რეგიონის ქვეყნები, რა თქმა უნდა, ამ სტრატეგიის მნიშვნელოვანი ნაწილია. თუმცა საქართველოსთან დაკავშირებით გარკვეული სირთულეები გვაქვს, რადგან რეალურად არ გვაქვს ურთიერთობა მთავრობასთან. ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს. ასევე ვიმსჯელეთ, როგორ შეგვიძლია ეს საუკეთესოდ გავაკეთოთ, რათა ხალხმა ევროპის იმედი არ დაკარგოს“, – განაცხადა კაია კალასმა.
ცნობისთვის, დღეს ბრიუსელში ევროკავშირის საბჭოს სხდომაზე უკრაინასა და ახლო აღმოსავლეთში არსებული ვითარების პარალელურად, განიხილება ევროკავშირის სტრატეგიული მიდგომა შავი ზღვის რეგიონის მიმართ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
