ტვ პირველის“ ჟურნალისტს, გიორგი მამნიაშვილს 3000-ლარიანი ჯარიმა დაეკისრა
24.11.2025 ნახვები: 247
„ტვ პირველის“ ჟურნალისტი, ადმინისტრაციული წესით დაკავებული გიორგი მამნიაშვილი სასამართლომ ადმინისტრაციულ სამართალდამრღვევად ცნო.
მოსამართლე ზვიად ცეკვავამ მას ადმინისტრაციული სახდელის სახით 3000-ლარიანი ჯარიმა დააკისრა.
მამნიაშვილი 22 ნოემბერს, საპროტესტო აქციაზე დააკავეს. „ტვ პირველის“ ინფორმაციით, ის იმ დროს პროფესიულ მოვალეობას ასრულებდა. მამნიაშვილს 173-ე მუხლის პირველი ნაწილითა და 166-ე მუხლით გათვალისწინებული ქმედებების განხორციელებას ედავებოდნენ, რაც პოლიციელის დაუმორჩილებლობასა და წვრილმან ხულიგნობას გულისხმობს.
