რუსეთმა ალეკო ელისაშვილს დაუსწრებლად 6-წლიანი პატიმრობა მიუსაჯა
13.08.2025 ნახვები: 224
უკრაინის მხარეს ბრძოლისთვის რუსეთმა "ძლიერი საქართველოს" ერთ-ერთ ლიდერს, ალეკო ელისაშვილს დაუსწრებლად 6-წლიანი პატიმრობა მიუსაჯა.
ამის შესახებ განცხადებას რუსეთის საგამოძიებო კომიტეტი ავრცელებს.
რუსეთის საგამოძიებო კომიტეტის მტკიცებით, სასამართლომ რუსეთის საგამოძიებო კომიტეტის მიერ შეგროვებული მტკიცებულებები საკმარისად მიიჩნია, რომ საქართველოს მოქალაქის, ალეკო ელისაშვილის წინააღმდეგ განაჩენი გამოეტანა. ის დაუსწრებლად დამნაშავედ ცნეს "რუსეთის ფედერაციის სისხლის სამართის კოდექსის 359-ე მუხლის მე-3 ნაწილის დარღვევაში, რაც შეიარაღებულ კონფლიქტში დაქირავებული მებრძოლის მონაწილეობას გულისხმობს".
რუსეთის სასამართლომ ელისაშვილს 6-წლიანი პატიმრობა მიუსაჯა, "სასჯელის მკაცრი რეჟიმის კოლონიაში მოხდით".
როგორც ცნობილია, მანამდე რუსეთმა ელისაშვილი საერთაშორისო ძებნაში გამოაცხადა.
