ჯგუფის მიერ ჩადენილი თაღლითობის ფაქტზე პროკურატურამ ორ პირს ბრალდება წარუდგინა
1 აშშ დოლარის ოფიციალური ღირებულება 2.7026 ლარი გახდა
თინა ბოკუჩავა - მნიშვნელოვანია, შენი პოლიტიკური დღის წესრიგის მთავარ თემად საკუთარი პარტიის კრიტიკა არ იქცეს
მიმდინარე წელს, საქართველოში შიდსით ინფიცირების 560 შემთხვევა დაფიქსირდა
საქართველოს ეროვნული ბანკი ოქროს სერტიფიკატების გამოშვებასა და ოქროს ზოდების გაყიდვას იწყებს
შარლ მიშელი - მივესალმებით ქვეყნის განგრძობად ძალისხმევას, სამოქმედო გეგმის განხორციელების პროცესში წინსვლის მისაღწევად
ირაკლი ღარიბაშვილი შარლ მიშელთან შეხვედრაზე - განვიხილეთ საქართველოს რეფორმების დღის წესრიგი და ევროინტეგრაციის გზაზე მიღწეული წინსვლა
პროკურატურამ ბრალდება წარუდგინა პირს, რომელმაც მამის კუთვნილ ძაღლზე იძალადა და მე-8 სართულის აივნიდან გადააგდო, რის შედეგადაც ძაღლი დაიღუპა

კვარაცხელია ნაკრების ბომბარდირებში პირველია, ვინც ზედიზედ ოთხ მატჩში გაიტანა

11.20.2023 | 09:10 ნახვები: 522

ხვიჩა კვარაცხელიამ ვალიადოლიდში გამართულ ევრო 2024-ის შესარჩევი ჯგუფის ბოლო შეხვედრაში ესპანეთის ნაკრების კარი აიღო და ორი მნიშვნელოვანი მოვლენის გმირი გახდა.

22 წლის თავდამსხმელი პირველი ფეხბურთელია, რომელმაც საქართველოს ეროვნულ ნაკრებში ზედიზედ ოთხ შეხვედრაში გაიტანა. „ნაპოლის“ ქართველმა ვარსკვლავმა თავი გამოიჩინა ტაილანდთან (8:0), კვიპროსთან (4:0), შოტლანდიასთან (2:2) და ესპანეთთან (1:3) შეხვედრებში.

ხვიჩამ ოთხ მატჩში ხუთი გოლი გაიტანა – ტაილანდთან, კვიპროსთან და ესპანეთთან, შოტლანდიასთან კი დუბლი შეასრულა. აღსანიშნავია, რომ ხუთიდან სამი გოლი გიორგი ჩაკვეტაძის გადაცემით გაიტანა (კვიპროსთან, შოტლანდიასთან და ესპანეთთან) და ეს წყვილი ნაკრებში შეუცვლელ დუეტად ყალიბდება.

მეორე მნიშვნელოვანი ფაქტი – კვარაცხელიამ საქართველოს ნაკრებში უკე მე-15 გოლი გაიტანა და „ჯვაროსნების“ საუკეთესო ბომბარდირებში ერთი ადგილით დაწინაურდა. 15 გოლი აქვს გატანილი ალექსანდრე იაშვილსაც, მაგრამ მან ეს 67 შეხვედრაში მოახერხა, ხვიჩა კი ფეხბურთის ფედერაციის ამჟამინდელ ვიცე-პრეზიდენტს 28 შეხვედრის შემდეგ გაუთანაბრდა.

საქართველოს ნაკრების საუკეთესო ბომბარდირები

1. შოთა არველაძე 62 მატჩი, 26 გოლი

2. თემურ ქეცბაია 52 მატჩი, 17 გოლი

3-4. ხვიჩა კვარაცხელია 28 მატჩი, 15 გოლი

3-4. ალექსანდრე იაშვილი 67 მატჩი, 15 გოლი