ვაქცინაცია უნდა იყოს ნებაყოფლობითი და არა სავალდებულო - ეკატერინე ტიკარაძე
25.10.2021 ნახვები: 498
„კოვიდპასპორტებთან დაკავშირებით საკმაოდ კარგი პროგრესი გვაქვს. ხვალ საბჭოზე გაჟღერებული იქნება გარკვეული კომენტარები და გაკეთდება განცხადებები მის შემოღებასა და ევროპაში გამოყენებასთან დაკავშირებით", - განაცხადა დღეს, 25 ოქტომბერს, საქართველოს ჯანდაცვის მინისტრმა, ეკატერინე ტიკარაძემ.
ტიკარაძის თქმით, ჯანდაცვის სამინიტროს პოზიციაა, რომ კორონავირუსის საწინააღდეგო ვაქცინაცია იყოს ნებაყოფლობითი და არა სავალდებულო.
„არაერთხელ აღვნიშნე, რომ მნიშვნელოვანია, გააქტიურდეს საინფორმაციო კომუნიკაცია ყველა დონეზე, თუ რატომ არის ვაქცინაცია მნიშვნელოვანი და მაქსიმალურად თავი შევიკავოთ ნებისმიერი იძულებითი ღონისძიებისგან. ეს არის ჯანდაცვის სამინისტროს პოზიცია, რაც არაერთხელ გაჟღერებულა. ამ ეტაპისთვის ჩვენ ვერანაირ იძულების საფუძველს ვერ ვხედავთ. მიმაჩნია, რომ ამ ეტაპისთვის ჩვენ სავალდებულო ვაქცინაცია არ გვესაჭიროება. მნიშვნელოვანია, რომ გამოკვლეული იყოს თითოეული მიზეზი, თუ რატომ ამბობს მოქალაქე უარს ვაქცინაციაზე, მოხდეს მისთვის განმარტების მიცემა. სწორედ ეს არის დემოკრატია, არანაირი დაპირისპირება არაა. საკითხს ერთპიროვნულად არავინ წყვეტს, ვმსჯელობთ საბჭოზე და ვიღებთ ქვეყნისთვის საუკეთესო გადაწყვეტილებებს",- განაცხადა ტიკარაძემ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
