„საწოლებიც აღარ გვეყოფა, რაც მეტია პაციენტი, მით მეტია მძიმე პაციენტების რაოდენობა," - განაცხადა დღეს, 25 ოქტომბერს, ვახტანგ ბოჭორიშვილის სახელობის კლინიკის ინფექციური დეპარტამენტის ხელმძღვანელმა, ლია გოლიაძემ.
მისივე თქმით, საავადმყოფოები გადატვირთულია, პაციენტების აუცრელობის გამო კი მათი მდგომარეობა მძიმეა.
"ჩვენი კლინიკა არის აბსოლუტურად გადატვირთული, არც დიდის ადგილი გვაქვს, არც - ბავშვის. ზოგადად, მდგომარეობა ჩვენთვის არის ძალიან მძიმე. პაციენტებზე, რომლებიც არიან კლინიკაში, არცერთზე არ შემიძლია ვთქვა, რომ არის საშუალო სიმძიმის - ყველა არის ჟანგბადდამოკიდებული.
დადგება ის დრო, რომ საწოლებიც აღარ გვეყოფა, რაც მეტია პაციენტი მით მეტია მძიმე პაციენტების რაოდენობა," - განაცხადა გოლიაძემ.
შეგახსენებთ:
დღეს, 25 ოქტომბერს, საქართველოში კორონავირუსის 1942 შემთხვევა გამოვლინდა, 46 ადამიანი კი გარდაიცვალა.
