ერთწლიანი პაუზის შემდეგ, უკრაინაში საქართველოს ელჩი სამუშაოს დაუბრუნდა
22.04.2021 ნახვები: 436
თითქმის ერთწლიანი პაუზის შემდეგ, უკრაინაში საქართველოს საგანგებო და სრულუფლებიანი ელჩი, თეიმურაზ შარაშენიძე კიევში 21 აპრილს ჩავიდა და მოვალეობის შესრულებას შეუდგა. როგორც საგარეო უწყებაში აცხადებენ, ელჩმა შეხვედრა უკვე გამართა უკრაინის საგარეო საქმეთა მინისტრ დმიტრო კულებასთა და მინისტრის მოადგილე ვასილ ბოდნართან.
ცნობისთვის: თეიმურაზ შარაძენიძე კონსულტაციებისთვის 2020 წლის 8 მაისს, მას შემდეგ გამოიწვიეს, რაც საქართველოს მესამე პრეზიდენტი მიხეილ სააკაშვილი უკრაინაში რეფორმების საბჭოს ხელმძღვანელად დაინიშნა.
„შეხვედრებზე უკრაინული მხარე მიესალმა თბილისის გადაწყვეტილებას ელჩის დაბრუნების თაობაზე და პოზიტიურად შეაფასა აღნიშნული ნაბიჯი განსაკუთრებით უკრაინის საზღვრებთან და დროებით ოკუპირებულ ტერიტორიებზე სამხედრო ესკალაციის ფონზე.
შეხვედრებზე აღინიშნა საქართველო-უკრაინას შორის ურთიერთობების აქტიური დინამიკა. საქართველოს ელჩმა ქვეყნის სახელით კიდევ ერთხელ სოლიდარობა და მხარდაჭერა გამოუცხადა უკრაინის სახელმწიფოსა და უკრაინელ ხალხს", - აცხადებს საგარეო უწყებაში.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
