საკონსტიტუციო სასამართლომ პრეზიდენტის სარჩელი წარმოებაში მიიღო
უცხოური ვალუტის ოფიციალური კურსი 19 ივლისისთვის - დოლარი - 2.6953 ლარი, ევრო - 2.9476 ლარი, ფუნტი - 3.5028 ლარი
საკონსტიტუციო სასამართლომ პრეზიდენტის სარჩელი წარმოებაში მიიღო
ურსულა ფონ დერ ლაიენი ევროკომისიის პრეზიდენტის პოსტზე კიდევ ერთი ვადით დაამტკიცეს
21 ივლისის დილამდე საქართველოში წვიმა ელჭექით, სეტყვა და ქარის გაძლიერებაა მოსალოდნელი
პეტრე ცისკარიშვილი - კობახიძე ცდილობს დასავლელ პარტნიორებთან რაღაც ტიპის დიალოგები ააწყოს და თავის ამომრჩეველს მოაჩვენოს, რომ მოკვეთილები არ არიან დასავლეთიდან
გიორგი ვაშაძე - მივესალმებით სხვა ოპოზიციური პარტიების გადადგმულ ნაბიჯებს გაერთიანებებისკენ
საქართველოს გენერალური პროკურორი გიორგი გაბიტაშვილი გახდა

ევრო2024 - ესპანეთის ნაკრებმა საფრანგეთი 2:1 დაამარცხა და ფინალში ითამაშებს

07.10.2024 | 01:00 ნახვები: 281

ევროპის ჩემპიონატის პირველ ნახევარფინალურ მატჩში ერთმანეთს ესპანეთი და საფრანგეთი დაუპირისპირდნენ. საინტერესო ბრძოლაში გამარჯვება და ფინალის საგზური ესპანელებს დარჩათ – 2:1. ისინი 14 ივლისს საჩემპიონო მატჩში ინგლისსა და ნიდერლანდებს შორის გამარჯვებულს შეხვდებიან.

ფაქტები

  • ესპანეთის ნაკრები ისტორიაში მეხუთედ გავიდა ევროპის ჩემპიონატის ფინალში და ტიტული სამჯერ აქვს მოგებული, ისევე როგორც გერმანიას.
  • ლამინ იამალი ყველაზე ახალგაზრდა ფეხბურთელია, რომელსაც დიდ ტურნირზე (მსოფლიო და ევროპის ჩემპიონატი) გოლი აქვს გატანილი.
  • დანი ოლმომ საფრანგეთს გაუტანა და ევრო 2024-ის ბომბარდირთა სიაში გიორგი მიქაუტაძეს გაუთანაბრდა – მათ 3-3 გოლი აქვთ, ნიდერლანდელ გაკპოს, გერმანელ მუსიალასა და სლოვაკ შრანცთან ერთად.
  • საფრანგეთის ნაკრებმა ევროპის მიმდინარე ჩემპიონატზე პირველი გოლი ისე გაიტანა, რომ თერთმეტმეტრიანი და ავტოგოლი არ დაფიქსირებულა. აქამდე ფრანგებს ან პენალტის ნიშნულიდან ჰქონდათ გატანილი, ან ავტოგოლი მეტოქის ანგარიშზე დაფიქსირდა.

9′ წუთი. ესპანეთის ნაკრებმა მატჩი შეტევებით დაიწყო, თუმცა გოლი საკუთარ კარში მიიღო – მბაპეს ჩაწოდების შემდეგ კოლო მუანმა ანგარიში გახსნა.

21′ წუთი. ლამინე იამალმა კიდევ ერთხელ დაარწმუნა გულშემატკივარი, რომ მსოფლიოს ახალი ვარსკვლავი ეზრდება. 16 წლისა და 362 დღის ასაკში ესპანელი დიდ ტურნირზე ყველაზე ახალგაზრდა გოლის ავტორი გახდა. მეორეა ბრაზლიელი პელე – 17 წლის და 239 დღის; მესამე – მექსიკელი მანუელ როსასი, 18 წლის და 93 დღის; მეოთხე – ესპანელი გავი, 18 წლის და 110 დღის.

25′ წუთი. იამალის გოლის შემდეგ ესპანეთმა კიდევ ერთი გოლი გაიტანა – დანი ოლმომ საჯარიმოში მეტოქე კარგად მოატყუა, დაარტყა და ვიდრე კარში შევარდებოდა, ბურთს კუნდე შეეხო.

თუმცა ამჯერად ავტოგოლი არ დაფიქსირდა – გოლი ოლმოს ჩაეთვალა. იგი ერთადერთი ესპანელია, რომელსაც დიდ შეჯიბრებაზე გოლი ზედიზედ სამ მატჩში აქვს გატანილი.

მეორე ტაიმში გუნდებმა უფრო მეტი ყურადღება დაცვას დაუთმეს, შესაბამისად, შეტევებს სიმწვავე მოაკლდა, უგოლოდ დასრულდა და ფინალის საგზური ესპანეთმა მოიპოვა.

1tv.ge

 

 

ყველას ნახვა
ყველას ნახვა