სერგო ჩიხლაძე - კელი დეგნანს აქვს ბევრი შეხვედრა, მათ შორის ოპოზიციის წარმომადგენლებსაც გვხვდება და გასაკვირი არ არის, თუ ელჩი ამა თუ იმ პოლიტიკოსს ან გავლენიან ბიზნესმენს ხვდება
მიხაილ პოდოლიაკი - სტამბოლის კომუნიკესთან დაბრუნება, რომელიც მარტში რუსეთისა და უკრაინის დელეგაციებს შორის გამართული მოლაპარაკებების შედეგია, ამჟამად შეუძლებელია
საზოგადოება მიჩვეულია, რომ უკრაინის მაღალჩინოსნები ომისკენ მოგვიწოდებენ-დავით მათიკაშვილი
კაია კალასი - დროა, შეწყდეს ტურიზმი რუსეთიდან
ერთი კვირის მონაცემებით, საქართველოში კორონავირუსის 12 729 ახალი შემთხვევა გამოვლინდა, გამოჯანმრთელდა 11 199 პაციენტი
ნიკა მელია - უსამშობლო ხელისუფლებას სურს, საზოგადოების ნაწილი გმირ ბიჭებს კი არ მიაგებდეს პატივს, არამედ თვითონ იმ ქვეყნის დამოუკიდებლობას, სახელმწიფოებრიობას გლოვობდეს, რომელსაც ამ ბიჭებმა თავი შესწირეს
„ქართული ოცნების“ ხელისუფლების პრორუსულობაზე კითხვის ნიშნები აღარ არსებობს, განსაკუთრებით მას შემდეგ, რაც ბოლო პერიოდში ანტიდასავლური კამპანიის პროპაგანდა დაიწყო-ლევან ბეჟაშვილი
ანრი ოხანაშვილი - ადამიანები, რომლებიც ჩვენი ქვეყნის სუვერენიტეტის და ხალხის ინტერესების საწინააღმდეგო განცხადებებებს აკეთებენ, ვერ იქნებიან განხილული, როგორც ჩვენთვის სასურველი პირები

კიდევ ერთხელ მოვუწოდებ ჩვენს ოპოზიციას, დავაყენოთ ქვეყნის, ხალხის ინტერესები ყველაფერზე მაღლა-ღარიბაშვილი

06.24.2022 | 16:12

მინდა, კიდევ ერთხელ მკაფიოდ განვაცხადო, ამის პირობას ვაძლევ ხალხს, რომ ყველა იმ პირობას, რომელიც არის ჩვენი, ანუ მმართველი ძალის განსახორციელებელი, ძალიან მოკლე დროში შევასრულებთ, – განაცხადა საქართველოს პრემიერ-მინისტრმა, ირაკლი ღარიბაშვილმა დღეს გამართულ ბრიფინგზე.

პრემიერ-მინისტრმა ყურადღება გაამახვილა პოლარიზაციის დასრულების მნიშვნელობაზე.

„რაც შეეხება პირველ პირობას და პრიორიტეტს, რომელიც ჩვენი ხალხის ინტერესში არის პირველ რიგში და ჩვენი ქვეყნის ინტერესებშია, რომ ქვეყანაში იყოს მშვიდობა, ჩვენს ხალხში და საზოგადოებაში იყოს მშვიდობა, მათ შორის პოლიტიკურ, მმართველ ძალებში არ იყოს ასეთი გაუთავებელი ჩხუბი და შეურაცხყოფა ერთმანეთის. აქ ნაწილობრივ, ნახევარი ჩვენი პასუხისმგებლობა არის და ნახევარი არის ოპოზიციის ვალდებულება, მათი პასუხისმგებლობა. მათ გარეშე ჩვენ ამ პირველ პირობას ვერ შევასრულებთ. ყოველთვის ვაცხადებდით მზაობას და ახლა, დღესაც ვადასტურებ ამ ტრიბუნიდან თქვენ წინაშე, ხალხის წინაშე, რომ ყოველთვის ვიყავით, ვართ და ვიქნებით მოწოდებული კონსტრუქციული დიალოგისკენ. მინდა, კიდევ ერთხელ მოვუწოდო ჩვენს ოპოზიციას, რომ დავაყენოთ ჩვენი ქვეყნის, ჩვენი ხალხის ინტერესები ყველაფერზე მაღლა და ერთად შევასრულოთ ეს პირობა, პირველი პირობა; კიდევ ერთხელ ხაზგასმით მინდა, აღვნიშნო, რომ ეს არის სწორედ პოლარიზების დასრულება, რაც ნამდვილად არის ძალიან მაღალი შეშფოთების საგანი ჩვენს პარტნიორებში და შემთხვევითი არ არის ის, რომ პირველი მუხლი არის სწორედ პოლარიზების დასრულება.

ამიტომ კიდევ ერთხელ მინდა, ვთქვა, რომ ჩვენი მხრიდან, ჩვენზე რაც არის დამოკიდებული, ყველაფერს ძალიან მოკლე დროში გავაკეთებთ, ყველაფერს შევასრულებთ, რაც ჩვენს მხარეს არის და ჩვენი გასაკეთებელია; დანარჩენი მეორე მხარის განსახორციელებელი იქნება. კიდევ ერთხელ მინდა, მოვუწოდო ჩვენს ოპოზიციას, რომ შეასრულონ ქართველი ხალხის წინაშე ეს პირობა“, – განაცხადა ირაკლი ღარიბაშვილმა.