სერგო ჩიხლაძე - კელი დეგნანს აქვს ბევრი შეხვედრა, მათ შორის ოპოზიციის წარმომადგენლებსაც გვხვდება და გასაკვირი არ არის, თუ ელჩი ამა თუ იმ პოლიტიკოსს ან გავლენიან ბიზნესმენს ხვდება
მიხაილ პოდოლიაკი - სტამბოლის კომუნიკესთან დაბრუნება, რომელიც მარტში რუსეთისა და უკრაინის დელეგაციებს შორის გამართული მოლაპარაკებების შედეგია, ამჟამად შეუძლებელია
საზოგადოება მიჩვეულია, რომ უკრაინის მაღალჩინოსნები ომისკენ მოგვიწოდებენ-დავით მათიკაშვილი
კაია კალასი - დროა, შეწყდეს ტურიზმი რუსეთიდან
ერთი კვირის მონაცემებით, საქართველოში კორონავირუსის 12 729 ახალი შემთხვევა გამოვლინდა, გამოჯანმრთელდა 11 199 პაციენტი
ნიკა მელია - უსამშობლო ხელისუფლებას სურს, საზოგადოების ნაწილი გმირ ბიჭებს კი არ მიაგებდეს პატივს, არამედ თვითონ იმ ქვეყნის დამოუკიდებლობას, სახელმწიფოებრიობას გლოვობდეს, რომელსაც ამ ბიჭებმა თავი შესწირეს
„ქართული ოცნების“ ხელისუფლების პრორუსულობაზე კითხვის ნიშნები აღარ არსებობს, განსაკუთრებით მას შემდეგ, რაც ბოლო პერიოდში ანტიდასავლური კამპანიის პროპაგანდა დაიწყო-ლევან ბეჟაშვილი
ანრი ოხანაშვილი - ადამიანები, რომლებიც ჩვენი ქვეყნის სუვერენიტეტის და ხალხის ინტერესების საწინააღმდეგო განცხადებებებს აკეთებენ, ვერ იქნებიან განხილული, როგორც ჩვენთვის სასურველი პირები

ჩანს, რომ ოპოზიციას მეტად ადარდებს არა საქართველოს მომავალი, არამედ თავისი კონკრეტული ჭუჭრუტანა-ალეკო ელისაშვილი

06.24.2022 | 16:11

ნათელი დღის წესრიგი მოგვცეს და როცა ამ დროს იწყებ, რომ მთავრობა გადავაყენოთ და რიგგარეშე არჩევნები დავნიშნოთ, არასწორად გაგებაა იმისა, რაც გვითხრეს, – განაცხადა ოპოზიციონერმა დეპუტატმა, ალეკო ელისაშვილმა.

ალეკო ელისაშვილის თქმით, როგორც ჩანს, ოპოზიციას მეტად ადარდებს თავისი კონკრეტული ჭუჭრუტანა, საიდანაც მოვლენებს ხედავს და არა საქართველოს მომავალი.

„აქცია არაფერს აფუჭებს და აქციების დრო ყოველთვის არის, მაგრამ სინამდვილეში, ძალიან მკაფიო დღის წესრიგი განგვესაზღვრა. გასაგებია, რომ უკრაინასა და მოლდოვას ვერ დავეწიეთ, მაგრამ კონკრეტული დრო და კონკრეტული შესასრულებელი პირობებიც მოგვეცა, რაც უნდა გავაკეთოთ. გვითხრეს, რომ ექვსი თვის განმავლობაში თუ შევძლებთ, პირობები შევასრულოთ, მაშინ ავტომატურად მოხდება განხილვა და ჩვენთვის კანდიდატის სტატუსის მინიჭება. ამაზე უფრო ნათელი დღის წესრიგი რა უნდა იყოს? როცა ამ დროს იწყებ, რომ მთავრობა გადავაყენოთ და რიგგარეშე არჩევნები დავნიშნოთ, ჩემი აზრით, ეს არასწორად გაგებაა იმის, რაც გვითხრეს. გვითხრეს – 12 პუნქტი და ექვსი თვე. ამის ნაცვლად ახალ დღის წესრიგს რომ ქმნი, რომელიც ან გამოგივა ან არა, არ ვიცი, რას ემსახურება. ასეთი გაუგებარი რაღაცების მოსმენით ძალიან დავიღალე. ჩანს, რომ ოპოზიციას უფრო მეტად ადარდებს თავისი კონკრეტული ჭუჭრუტანა, საიდანაც მოვლენებს ხედავენ და არა საქართველოს მომავალი და პერსპექტივა. წინასწარ იმის თქმა, რომ ეს ხელისუფლება მაინც არაფერს შეასრულებს და აზრი არ აქვს მათთან მუშაობას და ბრძოლას ამ საკითხების გასატანად, ეს გაუგებარია. არ მგონია, საქმე ასე უიმედოდ იყოს, რადგან ჩვენ და „ქართული ოცნება“ ხომ არ ვართ, ჩვენ მმართველი გუნდი და უზარმაზარი საერთაშორისო მხარდაჭერა ვართ. ვადამდელი არჩევნების იმედი გაქვს და 12 პუნქტს რომ შეასრულებინებ, იმის იმედი როგორ არ გაქვს, ე.ი. ან ბრძოლა გეზარება, ან ზუსტად ვერ გაიგე, რა გააკეთო, ან ჭუჭრუტანა უფრო მოგწონს, საიდანაც საკუთარი ინტერესების გატარებას ხედავ“, – განაცხადა ალეკო ელისაშვილმა.