1 აშშ დოლარის ოფიციალური ღირებულება 2.6802 ლარი გახდა
მაია კოპალეიშვილი - პრეზიდენტი არავის ტყვე არ არის, მათ შორის ვერც საქართველოს მთავრობის ტყვე იქნება
თამარ ჩუგოშვილი - წარდგინების ავტორები კონსტიტუციის დარღვევად არ მიიჩნევენ, როცა პრეზიდენტი ქვეყნის შიგნით ხვდება სხვა ქვეყნების მეთაურებს
მაია კოპალეიშვილი - პრეზიდენტის იმპიჩმენტის პროცესის შინაარსი აშკარად პოლიტიკურია
ხვიჩა კვარაცხელია - „რეალის“ მატჩებზე გავიზარდე, ახლა კი მათი მოედანზე დამარცხება მინდა
გიორგი ვაშაძე - ვხედავთ ხელისუფლებაში მოკალათებულ პოლიტიკურ დაჯგუფებას, რომელიც სისტემურ და მუდმივ საბოტაჟშია ევროინტეგრაციის კუთხით
ირაკლი კობახიძე - პრეზიდენტის კიდევ ერთი აღიარებაა, რომ ვიზიტებში მოუწია საკუთარი ფულის დახარჯვა
თამარ ჩუგოშვილი - პრეზიდენტიც და ჩვენც ვმოქმედებთ კანონის მოთხოვნათა სრული დაცვით

ვოლოდიმირ ზელენსკი - ვხედავთ, რა ხდება ბელარუსში, საქართველოში, როგორ მიათრევენ სხვადასხვა გზით განუკითხაობის მდგომარეობაში, მაგრამ რას ხედავენ ისინი? რომ უკრაინას არ გაუგია კონკრეტული პოზიტიური პასუხი გაწევრიანებაზე

06.01.2023 | 17:09 ნახვები: 240

ყველა ევროპული ქვეყანა, რომელიც ესაზღვრება რუსეთს და რომელსაც არ სურს, რუსეთმა ის გახლიჩოს, უნდა იყოს ევროკავშირისა და ნატო-ს სრულფასოვანი წევრი, არსებობს ორი ალტერნატივა, ღია ომი ან მცოცავი რუსული ოკუპაცია, – ამის შესახებ უკრაინის პრეზიდენტმა, ვოლოდიმირ ზელენსკიმ მოლდოვაში, ევროპული პოლიტიკური გაერთიანების (EPC) მეორე სამიტის გახსნაზე განაცხადა.

მისი თქმით, უკრაინას, რომელიც საკუთარი სისხლით იბრძვის ყოველდღე, არ გაუგია არანაირი კონკრეტული პოზიტიური პასუხი ევროკავშირსა და ნატო-ში გაწევრიანებაზე და სხვების იმედები აბსოლუტურად ილუზიური ხდება.

„არ უნდა იყოს ჩვენს კონტინენტზე არც გაყინული და არც ცხელი კონფლიქტები. ცოტა ხნის წინ ჩინელმა ჟურნალისტმა მკითხა, რატომ ნატო, და პასუხი არის ძალიან მარტივი: როცა არ არის უსაფრთხოების გარანტიები, არსებობს მხოლოდ ომის გარანტიები. სწორედ ამიტომ ყველა ევროპული ქვეყანა, რომელიც ესაზღვრება რუსეთს და რომელსაც არ სურს, რომ რუსეთმა ის გახლიჩოს, უნდა იყოს ევროკავშირისა და ნატო-ს სრულფასოვანი წევრი. არსებობს მხოლოდ ორი ალტერნატივა, ან ღია ომი, ან მცოცავი რუსული ოკუპაცია. ჩვენ ვხედავთ, რა ხდება ბელარუსში, ჩვენ ვხედავთ, რა ხდება საქართველოში, ვხედავთ, როგორ მიათრევენ ამ ორ სახელმწიფოს სხვადასხვა გზით განუკითხაობის მდგომარეობაში, მაგრამ რას ხედავენ ისინი? რომ ჩვენ, უკრაინას, რომელიც საკუთარი სისხლით იბრძვის ყოველდღე, არ გაუგია არანაირი კონკრეტული პოზიტიური პასუხი ევროკავშირსა და ნატო-ში გაწევრიანებაზე, სხვების იმედები აბსოლუტურად ილუზიური ხდება. იფიქრეთ ამ იმედგაცრუებაზე, ასევე ჩვენი ჯარისკაცების იმედგაცრუებაზე“, – განაცხადა ვოლოდიმირ ზელენსკიმ.

ამასთან, ზელენსკი ამბობს, რომ საჭიროა ნატო-ში და ევროკავშირში გაწევრიანებასთან დაკავშირებით მკაფიო სიგნალი.

„წელს არის გადაწყვეტილებების წელი, ზაფხულში ვილნიუსში, ნატო-ს სამიტზე საჭიროა უკრაინის მკაფიო მიპატიჟების სიგნალი და უსაფრთხოების გარანტიები ნატო-ს წევრობის გზაზე, ევროკავშირში გაწევრიანების გზაზეც საჭიროა მკაფიო გადაწყვეტილება. პოზიტიური გადაწყვეტილებები უკრაინისთვის იქნება პოზიტიური გადაწყვეტილებები ყველასთვის. უსაფრთხოების საფუძვლები მოლდოვისთვის, ეს ძალიან მნიშვნელოვანია გრძელვადიან პერსპექტივაში საქართველოსთვის და ეჭვი არ მეპარება, რომ დროთა განმავლობაში ბელარუსისთვისაც. ეს ყველაფერი ევროპული მშვიდობისთვის არის საჭირო“, – განაცხადა ზელენსკიმ მოლდოვაში, ევროპული პოლიტიკური გაერთიანების (EPC) მეორე სამიტის გახსნაზე.