ანჯეი დუდა - ამერიკელ ლიდერებს „ბირთვული გაზიარების“ პროგრამაში მონაწილეობის შესაძლებლობაზე ვესაუბრეთ, თემა ღიაა
მამუკა მდინარაძე - მოვუწოდებთ კელი დეგნანს, მკაფიო იყოს მისი განცხადება დეოლიგარქიზაციაზე, რადგან ბევრს დარჩება შთაბეჭდილება, რომ ოპოზიციის მესიჯბოქსი ელჩის პათოსს ემთხვევა
ეკონომიკის სამინისტრო - ეკონომიკური ზრდის პროგნოზის დაკორექტირება გამოწვეულია წარმატებული ეკონომიკური და მმართველობითი პოლიტიკით, რასაც საქართველოს მთავრობა ახორციელებს
ნიკოლაი პატრუშევი - რუსეთის წინააღმდეგ ახლა ფაქტობრივად ნატო ომობს
ლევან დავითაშვილი - დეტალურად ვმუშაობთ კურორტების განვითარების მიმართულებით, მიმდინარე წელს კერძო სექტორისთვის საპრივატიზაციო პაკეტების შეთავაზებას დავიწყებთ
ვოლოდიმირ ზელენსკი აცხადებს, რომ უკრაინაში დანაშაულების გამო, რუსეთის პოლიტიკური და სამხედრო ლიდერების პასუხისგებისთვის სპეციალური ტრიბუნალი უნდა შეიქმნას
მედიის ინფორმაციით, ვლადიმერ პუტინმა დონეცკში, ლუგანსკში, ზაპოროჟიესა და ხერსონში საერთაშორისო სამართლის ნორმების დარღვევით, დროებითი მეთაურები დანიშნა
თეა წულუკიანი - 12-პუნქტიანი გეგმის შედეგად, ოპოზიცია ხედავდა არაკანონიერი მეთოდებით ხელისუფლების სადავეებიდან ჩამოშორებას, ჩვენი მიზანი კი არის ევროკავშირის გზაზე უფრო წარმატებული სიარული

პეტრე ცისკარიშვილი - რუსებმა ჩვენი საზღვარი 7 აგვისტოს გადმოლახეს, რუსული აგრესია 7 აგვისტოს დაიწყო და ამიტომ ჩვენს გმირ ბიჭებს 7 აგვისტოს მივაგებთ პატივს

08.07.2022 | 13:31

რუსებმა ჩვენი საზღვარი 7 აგვისტოს გადმოლახეს, რუსული აგრესია 7 აგვისტოს დაიწყო და ამიტომ ჩვენს გმირ ბიჭებს 7 აგვისტოს მივაგებთ პატივს, – ამის შესახებ „ნაციონალური მოძრაობის“ წევრმა, პეტრე ცისკარიშვილმა ჟურნალისტებს განუცხადა.

როგორც პეტრე ცისკარიშვილმა აღნიშნა, სინამდვილეში 7 აგვისტოა დღე, როდესაც რუსეთმა დაიწყო აგრესია და გადმოკვეთა საზღვარი, ეს არის ისტორიული მოცემულობა.

„აქ განისვენებენ ჩვენი თაობის ვაჟკაცები, ჩვენი თაობის გმირი, ბიჭები, რომლებმაც საქართველოს თავისუფლებისთვის ყველაზე ძვირფასი, საკუთარი სიცოცხლე დადეს. აქედან გამომდინარე, ჩვენი ვალია, მათ ხსოვნას პატივი მივაგოთ, ასევე ჩვენი თაობის ვალია, ერთხელ და სამუდამოდ საქართველო გავიყვანოთ სამშვიდობოზე, გავაწევრიანოთ დიდ, ევროპულ ოჯახში და საბოლოოდ თავი დავუცვათ იმ ველური, გაბოროტებული მტრისგან, რომელიც არა მხოლოდ ჩვენს სახელმწიფოს, არამედ ჩვენს მეგობრებსაც მუდმივად უტევს და არ ასვენებს. სინამდვილეში რუსებმა ჩვენი საზღვარი 7 აგვისტოს გადმოლახეს, რუსული აგრესია 7 აგვისტოს დაიწყო და ამიტომ ჩვენს გმირ ბიჭებს 7 აგვისტოს მივაგებთ პატივს. ვიღაც თუ მიიჩნევს, რომ 8 აგვისტოს უნდა იყოს, თუ ელამაზება 08.08.08, უბრალოდ არასწორია , რადგან ომი 7 აგვისტოს დაიწყო. სინამდვილეში 7 აგვისტოა, როდესაც რუსეთმა დაიწყო აგრესია და გადმოკვეთა საზღვარი, ეს არის ისტორიული მოცემულობა, თუ ვიღაც ადრე სხვა თარიღზე აღნიშნავდა, უნდა გამოსწორდეს და უნდა იყოს 7 აგვისტო ისტორიული სამართლიანობისთვის“, – განაცხადა პეტრე ცისკარიშვილმა.