ევროკავშირის საგარეო საქმეთა მინისტრებმა ირანის წინააღმდეგ ახალი სანქციები დააწესეს

ევროკავშირის საგარეო საქმეთა მინისტრებმა ირანის წინააღმდეგ ახალი სანქციები დააწესეს, რომლებიც მიმართულია იმ ფიზიკური და იურიდიული პირების წინააღმდეგ, რომლებიც მონაწილეობდნენ საპროტესტო აქციების ჩახშობაში  და ქვეყნის მიერ რუსეთის მხარდაჭერაში. ინფორმაციას ამის შესახებ „როიტერი“ ავრცელებს.

გერმანიის საგარეო საქმეთა მინისტრმა, იოჰან ვადეპულმა აღნიშნა, რომ გერმანიის მთავრობა ემხრობა ირანის რევოლუციური გვარდიის კორპუსის ტერორისტული ორგანიზაციების სიაში შეტანას.

„ეს არის წარმატება ირანელი ხალხისთვის, კაცობრიობისთვის და ევროკავშირისთვის, როგორც ღირებულებების საზოგადოებისთვის, რომელიც აჩვენებს, რომ ადამიანის უფლებები უნივერსალურია და ჩვენ ყველგან ვიცავთ მათ“, – განაცხადა ვადეპულმა.