ზელენსკი - ჩვენ არ შეგვიძლია მთელ მსოფლიოში ვირბინოთ პუტნის საძებნელად
16.05.2025 ნახვები: 202
უკრაინის პრეზიდენტის, ვოლოდიმირ ზელენსკის განცხადებით, რუსეთის ლიდერმა "ლიდერობა უნდა გამოავლინოს" და ყოველგვარი წინადადებების გარეშე, სტამბოლში მოლაპარაკებებზე დასასწრებად ჩავიდეს.
"ჩვენ ახლა ანკარაში ვართ. ამის შემდეგ, ჩვენ დელეგაციას ვაგზავნით სტამბოლში. ის აქ არ არის, ის სტამბოლში არ არის. ჩვენ არ შეგვიძლია მთელ მსოფლიოში ვირბინოთ ამ კაცის საძებნელად", - თქვა ზელენსკიმ.
ანკარაში გამართულ პრეზენტაციაზე მან ასევე დასძინა, რომ პუტინის საქციელი არა მხოლოდ უკრაინის, არამედ აშშ-ის პრეზიდენტის დონალდ ტრამპისა და თურქეთის პრეზიდენტის რეჯეფ თაიფ ერდოღანის მიმართ პატივისცემის ნაკლებობაზე მიუთითებს.
"მე მჯერა, რომ აშშ და თურქეთი ახლა რუსეთის მხრიდან უპატივცემულობას გრძნობენ. არც დაგეგმილი დრო, არც დღის წესრიგი, არც მაღალი დონის დელეგაცია - ეს პირადი უპატივცემულობაა. მე არ ვსაუბრობ რუსების მიერ ჩვენს უპატივცემულობაზე - ეს ისედაც აშკარაა", - განაცხადა უკრაინის პრეზიდენტმა.
