მამუკა მდინარაძე - ფრაზების „სააკაშვილი მოწამლეს“, „ძალიან ცუდად არის“, უკან იდგა დასკვნა, რომელშიც ასობით ათასი დოლარი იყო გადახდილი
მილიონი დოლარი არის გადახდილი არა ექიმებში, არა ფსიქიატრებში, ფსიქოლოგებში არამედ შავ პიარში - პარლამენტის ვიცე-სპიკერი
ვალუტის კურსი 9 თებერვლისთვის - 1 დოლარი - 2.6558 ლარი, 1 ევრო - 2.8537 ლარი
სააკაშვილს იმდენი დანაშაული აქვს ჩადენილი, აღიარება წარმოუდგენელი - ირაკლი კობახიძე
მმართველი პარტიის თავმჯდომარე - სააკაშვილის საქმეზე მილიონი დახარჯეს და დიაგნოზი ვერ დასვეს
ლევან კალანდაძე - „ამოუხსნელ“ მოვლენასთან გვაქვს საქმე Credit Suisse-ის მენეჯმენტის სახით
ვიტოვებ იმედს, საქართველოს ძალისხმევა ამჯერად სათანადოდ დაფასდება და ევროკავშირი მოგვანიჭებს კანდიდატი ქვეყნის სტატუსს -პარლამენტის თავმჯდომარე
თურქეთში მიწისძვრის შედეგად დაღუპულთა რიცხვი 8 574-ს შეადგენს, სირიაში - 2 662-ს

გიორგი ვაშაძე - პრეზიდენტისგან ჩვენ გვჭირდება არა ექსპერტობა და შეფასება, არამედ ქმედება

11.24.2022 | 16:09

როცა ვსაუბრობთ მართლმსაჯულების რეფორმაზე და სალომე ზურაბიშვილი მოვიდა და საუბრობს, რომ არის პოლიტიკურად მიკერძოებული და არასანდო მართლმსაჯულება, რისთვის არსებობს შეწყალების მექანიზმი? თუ პრეზიდენტი კარგად აცნობიერებს საკუთარ მოვალეობას, უნდა დააზღვიოს პოლიტიკური ანგარიშწორებისგან ნებისმიერი ადამიანი საქართველოში, მათ შორის გვარამია და სააკაშვილი, როცა ამისგან დისტანცირებას ახდენს პრეზიდენტი, ის საკუთარ ინსტიტუციას შეურაცხყოფს, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

როგორც ვაშაძემ აღნიშნა, „მხოლოდ თითის გაშვერა სხვისკენ არ ნიშნავს სახელმწიფოებრივ მიდგომას პრობლემასთან დაკავშირებით“.

„მე მასთან, როგორც პრეზიდენტის ინსტიტუციასთან კითხვა მაქვს, თავად რას აკეთებს იმისთვის, რომ მართლმსაჯულების ეს კატასტროფული პრობლემა რამენაირად მაინც შეამსუბუქოს და ნაკლები წნეხი იყოს ჩვენზე, საქართველოს მოქალაქეებზე და მეტი შედეგი დაინახონ ჩვენმა ევროპელმა პარტნიორებმა? ნულს.

შეუძლია თუ არა პოლიტიზებული მართლმსაჯულების ხარვეზი და პრობლემა გვარამიასთან დაკავშირებით გამოასწოროს პრეზიდენტმა? დიახ, შეუძლია. იმავეს გაკეთება შეუძლია სააკაშვილთან დაკავშირებით, შეუძლია ბევრ საქმეზე იგივე გადაწყვეტილება მიიღოს, მაგრამ როცა ამას არ აკეთებს, მხოლოდ თითის სხვისკენ გაშვერა არ ნიშნავს სახელმწიფოებრივ მიდგომას პრობლემასთან დაკავშირებით.

სალომე ზურაბიშვილზე მე ილუზიები აღარ მაქვს, ის არის ნაწილი ივანიშვილის პროექტის, ამიტომ თუ ივანიშვილი ჩათვლის, რომ მან რაღაც ნაბიჯები უნდა გადადგას, ამ ნაბიჯს გადადგამს. თუ ჩათვლის, რომ არ გადადგას, არ გადადგამს.

როგორ შეიძლება სიტყვიერად ამბობდე, რომ საქართველოში არის პოლიტიკური მართლმსაჯულება, აფასებდე სასამართლო სისტემას, როგორც კატასტროფულს და შენ, შენი ერთადერთი მექანიზმის გამოყენების არანაირ შანსს არ ტოვებდე. შენ თუ ნაბიჯს არ დგამ ამ მდგომარეობის გამოსასწორებლად, პრეზიდენტი რა, ექსპერტია, ჟურნალისტია, უბრალოდ რომ აფასებს? ჩვენ მისგან გვჭირდება ქმედება და არა ექსპერტობა და შეფასება“,- განაცხადა ვაშაძემ.